港姐2023｜郭珮文着泳衣冻到双脚发紫顶硬上：好似“僵尸脚”
撰文： 吴子生
出版：更新：
候选佳丽郭珮文（Juliana）今日（14/8）现身将军澳出席无线《2023香港小姐竞选》泳装记者会。Juliana受访时表示：“其实都参选咗一段时间，开始慢慢习惯，又唔会话着泳衣上台会紧张，同以往一样，只不过系套衫唔同咗啫，同埋呢度个会场冷气好冻，搞到我两只脚嘅微丝血管出晒嚟，好似‘僵尸脚’咁。（系咪知道今日泳装见传媒，所以冇食过嘢？）今朝我只系食咗条蕉，之后就冇食过嘢，相比之前而家我系食少咗嘢，因为知道着泳衣系唔可以有咁大个肚腩。其实本身我个人系好钟意食嘢，只要愈肥就愈好，例如猪手，炸鸡，同埋超钟意食芝士，不过就嚟到决赛，唯有而家就要忍吓口先。”