中年好声音2｜邓兆尊胞弟邓兆荣打定输数执包袱：冇可能会赢

邓兆尊胞弟邓兆荣今日（12/8）现身电视城出席无线大型歌唱选秀节目《中年好声音2》记者会。邓兆荣在接受《香港01》访问时表示：“其实喺初赛嘅时候自己嘅表现唔系咁好，都谂住都会冇机会，点知就收到通知自己入咗围系几开心。（上次表现咁差，哥哥邓兆尊有冇咩表示？）佢梗系取笑我啦，但我就有解释出现咗咩状况。不过到最后，都好多谢评判畀机会我。”

邓兆荣续说：“其实我知自己事，我唔系唱歌出身，咁所以我为咗呢个比赛，我都有揾歌唱老师学习唱歌，发觉原来唱歌系好专业，系有好多技巧并唔简单，令我获益不少。（承唔承受到舆论压力？）其实我都成五十几岁人，就好好似当年，由我二十几岁到而家，人生经验都经历好多，到而家我好睇得开，好多嘢都唔会介意，只要做好自己就得。（邓兆尊有冇话赢咗会奖励你？）冇可能会赢啦，都系做好自己就得。”