中年好声音2｜戚黛黛预咗会被狠批唱功差求放过：唱得差唔好闹
撰文： 吴子生
出版：更新：
前港姐季军戚黛黛顺利晋级无线大型歌唱选秀节目《中年好声音2》，今日（12/8）现身将军澳电视城出席记者会。对于顺利入围，戚黛黛在接受《香港01》访问时表示：“其实心情系好兴奋，其实唱歌真系好难㗎，而我本身只系钟意唱歌，又唔系唱歌出身，见到身边入咗围嘅参赛者，大部分都系唱歌，咁所以有得同佢哋比，我已经觉得好开心，但我预咗输，始终佢哋都好劲，咁自己唯有尽力做啰。而呢个对于我嚟讲系一个心理战，因为自己上到台系冇人会帮到自己，咁所以我而家就乜都唔理，上到台先算。”
问到承唔承受到别人嘅批评？戚黛黛表示：“明白到会有好同埋唔好嘅批评，我好希望大家畀次机会啦，我本身唔系系唱歌，只系嚟参加比赛，但我会尽力，如果唱得差唔好闹，希望大家多多包涵。始终今次呢个比赛，我都系想挑战自己，冇谂过要赢。”