港姐2023｜大热庄子璇是非缠身压力爆煲　脸部突出疹：打咗7支针

大热候选佳丽庄子璇（Hilary）早前压力爆煲突然出疹，最后需入院治疗。今日（14/8）她照样出席TVB《2023香港小姐竞选》的泳装记者会。庄子璇接受《香港01》访问时承认出疹是因为压力所致，她说：“其实𠮶晚凌晨嘅时候，同屋企人倾紧偈，我妈咪发现我成块面又红又肿，问我发生咩事？我于是照一照镜，连自己睇到都吓死，跟住手同个身都相继出疹，就飞奔去睇急症，医生建议我留院接受治疗。喺呢两日我先后打咗7支针去控制病情，今日啱啱好消晒啲红肿，不过而家个状态都仲系病病哋。”

庄子璇续说：“我明白到呢排系有好多关于我嘅负面新闻嘅报道，而呢啲负评亦系我可以接受范围之内，咁可能我个脑系咁样谂，但我个身体就唔系咁谂。（会唔会选择唔睇关于自己的负面新闻？）忍唔到，但都照会睇。（有人蓄意抹黑攻击你，你会否就范退选？）我谂就算天塌落嚟，我都唔会退选。”