全民造星5｜Jake Wong唔觉被花姐问床事系性骚扰　列3点反驳网民

花姐（黄慧君）虽然已不再担任ViuTV选秀节目《全民造星5》监制，但仍不时亮相节目中，其中一集他首轮面试57号参赛者Jake Wong（黄汛一）时，问对方与女朋友认识几耐后上床，网民批评花姐问题太私人及涉嫌性骚扰，而Jake Wong本人则在社交平台列出3点为花姐平反，强调不感到被冒犯，表示：“冇性暗示嘅意味。”

《全民造星5》中，已退任监制的花姐仍然经常在节目中曝光，负责面试及点评参赛者表现，这亦是节目一大睇头之一！不过日前播出的其中一集，花姐就因问57号参加者Jake Wong感情和私生活问题，被网民批评性骚扰。花姐问他：“而家有冇拍拖？”“最多试过一脚踏几船？”“而家𠮶个拍咗几耐？”“识咗几耐就上床？”当Jake Wong听到这条问题相当错愕，尴尬说：“答唔答得㗎呢啲？”花姐话答得，因此Jake Wong就回答了问题，不过节目组为保护私隐，有将他的答案消音，但旁白君都表示问题好赤裸！

花姐待Jake Wong离场后，向其他工作人员解释自己只是想了解参赛者背景，想知Jake Wong是否玩世不恭、私生活混乱的人，但网民就批评花姐言论有性骚扰之嫌，留言：“如果呢单嘢男女调转，问𠮶个已经社会性死亡咗。”甚至叫Jake Wong举报花姐。Jake Wong在社交平台截图讨论区图片，为花姐澄清指控。他指自己好少睇讨论区，本身亦冇打算回应，但见留言愈来愈过分，不过都有不少理性讨论，便决定开声。

Jake Wong指花姐问他的问题，纯粹只是一个问题，并不构成性骚扰，他否认自己感到冒犯，“决定佢系咪性骚扰嘅系场合、对象、语气、神情、背后原因等等影响被问者嘅身分，而当中最重要嘅系，俾人问𠮶个有冇感到被骚扰先？冇，咁其实就讲完。”

Jake Wong以三点理由解释自己不感到被性骚扰的原因，他指自己确实感唐突、愕然，但认为花姐绝冇性暗示意味，并说：“1.花姐问完，大家畀完反应其实有解释原因嘅，系想知我系咪私生活混乱嘅人。咁其实佢咁讲完我都知道系完全冇性暗示嘅意味，所以我系觉得odd，但系唔觉得harassed。”

Jake Wong接著指，花姐向来是严母角色，因此他完全不觉得问这个问题有坏的意图，并表示：“当时嘅场合系拍摄中， N咁多个人喺度，其实佢一问我就知道呢个系一个效果位，nothing personal. 反而如果佢私下问我，我会有少少顾虑😂”他最后感谢大家关注，但表示不需要大家代他感到被冒犯。

按图睇更多Jake Wong IG相：