全民造星5｜花姐卸任总监 忽然伤感：呢个节目已经对我无意义
撰文： 林得懿
出版：更新：
《全民造星V》今晚开播，首集先讲MIRROR同ERROR两位正副队长（Lokman、AK、肥仔、Dee）分别去到加拿大、马来西亚“招兵”，一开始并不算顺利，阿Dee为吸引更多人，以“姜涛见面会”做卖点，结果当大家见到姜涛个freind肥仔出场时，即有人叫“收皮”。
首集公开部分参赛者面试片段，当中有不少“骑呢”人士，睇到宝姐皱晒眉头。不过喺一众参赛者当中，竟然出现了《造星II》李祉均（Oscar Li），可惜嘅系喺大会公开嘅94位参赛者的名单当中，Oscar未曾出现过。
《造星V》首集已有不少流泪场面，讲紧嘅除咗系参赛者之外，花姐系讲出自己退任《造星》监制时，亦十分伤感。“呢个节目已经对我无意义 ，《造星》对我人生好大转变，因为𠮶个系第一个监制节目，所以好投入，我觉得个节目好好睇，创造咗MIRROR同ERROR。去到《造星II》开始，因为我身份转变咗，可能𠮶刻我为咗做个所目，都系为紧MIRROR。去到《造星III》，做咩呢？系为咗咩嘢？《造星IV》系为咗COLLAR，其实我又真系唔系好投入到，呢个节目对我嚟讲已经⋯⋯唔知呢⋯⋯”虽然唔做监制，但花姐会为节目担任总顾问，所以不时都会出现喺囝囝之中，就好似验收《前传》排舞成果时，见到囝囝跳舞唔齐，花姐都忍唔住严斥，并直指“今年质素比较差。”