全民造星5｜凄惨背景比才艺更重要？新监制打造全民卖惨网民唔受
撰文： 林得懿
出版：更新：
《全民造星5》播出快两星期，60强亦即将诞生。今届参赛者中不乏实力之人，但亦有网民留意到不少参赛者背景坎坷，并指“睇足五季好似今季特别多...唔多唔少都几厌倦...”并笑指根本就是“全民卖惨”。有网民分析指系因为今季换咗监制许敬麟，他不时会叫导师留意参赛者背景，而唔似得花姐（黄慧君）一针见血评语。
首集出场嘅13号符纪男（Tiger Foo）话妈妈喺佢10岁时离开，但成长过程中好多嘢都仲系受对方影响“大个咗之后，有时每行一步路，都会谂佢究竟点谂，佢会点谂我呢，如果佢喺度而我咁做，会点样呢？有时候有啲位系会feel到佢唔喜欢，尝试自己调整。”
2号魏念恩（Nathan）透露自己在单亲家庭长大，又试过住寄养家庭。“我哋关系好紧密，同佢其实系好爱对方，但因为时间、地点、事情影响，我哋无法好好表达更好。”Nathan亦有透露妈妈患癌，自己未尽做仔嘅责任，言语间充满无限嘅遗憾。
56号MK(简可图）火喺中三时突然发现自己有哮喘，他表示因为由细到大都系住工厦同㓥房，吸入好多浑浊嘅空气。“一次过连续跳20分钟，再去吸哮喘药。”MK又因为家穷，所以要打好多份工，而佢仲话为咗今次比赛而牺牲咗唔少嘢，绝对系无退路。
北美参赛者、68号石进晖（石仔），面试时唱《青春快门》，他表示近年开始想花更多时间与家人相处。“因为我哥哥前两年走咗，他系因为窒息而死，我懒床，到我发现时佢已经死咗，对住冰冷嘅尸体，系咁叫都冇。”听完石仔嘅一番说话，连AK都喊埋一份。
14号阿霆透露屋企人去年比较多病痛、爸爸过身，为咗放下一啲嘢，所以改名。“我16岁时，佢变成植物人，当时我不停做运动，打跆拳不停麻醉自己，当时开始busking识咗一班朋友，帮我过咗呢个难关。”阿霆仲话学识喺差嘅环境之中，用美好角度去睇事情。