全民造星5｜少爷占收过百dm话同3位参赛者撞样：我哋呢啲样会赢
撰文： 邓颖琪
出版：更新：
《全民造星5》正热播中，节目中出现不少同艺人撞样的参赛者，如翻版MC、Dee哥2.0、寸嘴Tyson Yoshi等等，其中有3位参赛者都被指同少爷占好似样，认真“大众脸”。少爷占就拍片指某位参赛者出场时，他收到近百个私讯话劲似样，但少爷占就觉得3位靓仔啲，并鼓励他们说：“呢啲样嘅人，最后系会赢㗎！”
《全民造星5》播映了个几星期，99强参赛者仲有起码一半未出场，已经有3位被指同少爷占撞样，包括：17号Hayson、1号王锋同79号Kakit，少爷占日前就拍片讲呢件事，话Kakit出场时，收到接近百位网友私讯他，说两人好似样。
请按下图睇3位撞样参赛者：
+1
少爷占说：“三位朋友都系唔似我嘅，因为你哋靓仔好多，不过我想讲，我哋呢啲样嘅人，最后都会胜出嘅！因为我自己都喺一个选拔比赛胜出，然后做DJ直到依家，所以呢啲样嘅人，最后系会赢㗎！你哋加油呀！”
讲完之后，少爷占更加将双眼皮用手整成单眼皮，令他与王锋同Kakit相似度瞬间急升，就连《造星5》主持强尼都留言：“跟住出场嘅系903号甄子康，佢嘅表演项目系玩眼皮👀”旁白君文卓森都说：“呢位选手个眼皮咁奇妙百变，唔怪得之咁多人Love啦！🤭”但Kakit就相当识做，留言：“我哋三个加埋都唔够你靓仔！🙏🏻”