中年好声音｜李佳被邀签约成歌手 ：我会继续教学生唱歌
《中年好声音》决赛昨晚完满结束，李佳最后夺得亚军，网上有不少人为她感到不值，不过李佳对夺得亚军已相当满意，她说：“一开始唔系好紧张，唔知点解睇住屋企人𠮶边突然之间，我情绪上咗嚟，自己把声就开始唔系好稳定，我谂第一个出场多多少少有啲影响，要觉得做得好啦，有啲紧张啦，畀咗自己有少少压力，之后就无得谂，一路落去，第二首快歌又要嚟，自己又未谂到会攞到亚军⋯⋯大家今晚状态好好，大家今晚都唱得好，所以未谂过自己真系入三甲啦，未谂过呢个问题。”
比赛期间不少歌手都不敢看着观众席表演，但李佳反而钟意，她说：“我自己钟意睇住佢哋唱歌，我想表现畀佢哋睇，我想自己好朋友、粉丝都知道我会努力，我会做得好，所以会㨂《明日话今天》嚟开场，因为呢首歌歌词系好鼓励，系我想同佢哋讲。”
据知TVB将会与6位决赛歌手签约，李佳大有机会成为歌手，不过她表示即使出道，亦不会放弃教唱歌，她说：“因为大家都知我有教唱歌，所以就算我唱歌（出道）都好啦，但我做老师呢份工作系唔会放弃，咁可能时间方面都需要调整，（TVB揾你哋签约？）都有听过嘅，但仲未开始，但教唱歌令我去到呢个舞台上面，所以我唔会对学生话‘唔好意思喇，而家我要唱歌喇。’我会继续教学生，大家放心。”
昨晚TVB总经理曾志伟表示，不少客户都想找《中年好声意》参赛者作商演，李佳表示听闻过，“呢段时间参加《中年好声音》，所以任何活动都要经公司，所以暂时都未接到，（公司有无话出面有人洽淡？)都有嘅，都系唱歌方面。”
中年好声音决赛赛果详情?
香港01为你提供完整决赛赛果名单，冠军遇人生低潮感谢太太不离不弃，虽然冠军指爆冷造马，但都指出未来望用能力令大家支持。
中年好声音6强当晚表现?
大热71岁吴大强当晚失准，更被指...详情请看。龙婷被伍仲衡评欠时代感，据知TVB将会与6位决赛歌手签约，李佳大有机会成为歌手，但都会继续教学生唱歌。颜志恒唱《拒绝再玩》 校长：少似David Bowie。