中年好声音决赛赛果名单｜周吉佩成总冠军 4分之差胜出！
《中年好声音》今晚（23/04）六强大对决，吴大强、龙婷、李佳、罗启豪、颜志恒及周吉佩 6位之中将会诞生总冠军。
中年好声音｜周吉佩21岁参加比赛小鲜肉相曝光 曾获林夕帮手填词
节目第一部分由26强参赛者合唱的《不再犹豫》，众位参赛者就似是把这半年比赛经历、心情唱出来，实在令人感动。《不再犹豫》亦似是众位参赛者勉励观众一样，有梦想就要奋斗一样！
之后就李佳唱出总决赛的第一首自选慢歌《明日话今天》，李佳的老公，儿子更有到场支持。谭校长表示她唱得相当好，他说：“好识用咪，系尾𠮶度有少少尾音有啲啲浮。”肥妈：“系开始感情争啲啲。”周国丰：“咬字比《上海滩》好好多。”
第二部分自选由罗启豪（英国豪）唱出《忘情号》。吕方：“我觉得佢整体表现都好好，开始有少少紧张，少少虚。”张佳添：“把声好靓，今晚你真系有大将之风。”
周吉佩以《Forever Love》迎战。钟镇涛：“非常之非常之好。如果要挑瑕疵，系高音差咗少少。”张佳添也表示想补充，他说：“你条红色底裤发挥作用啦！你老婆煲咗咩靓汤畀你？把声咁靓嘅？”
龙婷演唱《我曾用心爱着你》。校长谭咏麟：“把声好solid，屋企睇觉得非常好，但系现场睇唔系好突出。”伍仲衡：“今晚除咗比赛都系party，所以我畀分会松少少。不过今日有少少失准，有音准问题。如果你唱歌有返少少时代感会更加好。”
中年好声音决赛｜龙婷被伍仲衡评欠时代感 谭校长仲话淆底唱得差
颜志恒演唱《烂泥》。钟镇涛提醒他揸咪方法有误。他说：“你支咪好黐嘴，轻声系好，但系一爆嘅时候，如果个音响唔醒水，就会好易拆。”伍仲衡：“我唔钟意你个A，我觉得有啲无病呻吟，over咗。呢只歌要带出一种大爱，我未feel到。”
吴大强演唱《吻别 x Take me to your heart》。吕方：“今晚决赛唔敢讲太多。我觉得你好好表现，系少少啫，国语争少少。”谭校长：“我想问呀，大强你系咪病呀？”吴大强回答：“有少系感冒。”谭校长：“系啰，我听到把声好似，今晚好似有啲问题。”
中年好声音决赛｜大热71岁吴大强失准 校长谭咏麟：你系咪病？
第四部分进入参赛者演唱快歌环节，李佳率先跳唱《热情的沙漠》。钟镇涛显然十分受落，他说：“哗，眼前一亮。我感觉你已经好似唱演唱会咁样，你啲动作同埋歌系一齐，可以带起观众情绪。”张佳添：“你冇畀啲dance抢咗，我对眼都系望住你，不过我觉得你定呢只歌定得安全咗，低音咗少少。”
罗启豪挑选了《疾风》。谭校长：“唱歌OK，跳舞好谨慎。好稳阵，好似温拿健仔喺台上跳紧舞紧。”周国丰：“我觉得今日英国豪拣嘅两首歌都好啱你唱，正如校长讲以vocal冇问题，系舞步有啲问题。”
周吉佩跳唱《跳舞街》。肥妈：“我头先同伍仲衡倾，佢话点解个key咁低，可以唱高啲。我话你少跳舞啫，要一路跳一路唱个key一定低啲㗎。”伍仲衡：“我跳过舞㗎，系Star Hall！你唔知呢？”肥妈：“跳过几多次呀？而家即刻出嚟跳睇睇！”伍仲衡：“时间关系。”伍仲衡续说：“周吉佩你好有星味，好好睇，你今日系最有星味，不过我觉得你快歌唔够energy。”
龙婷拣选快歌《疯了》。吕方：“几好，以我标准，即系几性感，疯咗。”肥妈：“同头先𠮶只争好远，抢返啲分返嚟。”校长：“有种忘情，投入感。”肥妈补充：“男人睇系特别好嘅呢。”
颜志恒跳唱《拒绝再玩》。张佳添：“我睇得好开心，尤其中最后个金鸡独立，我想讲一样嘢，由声梦一到而家，冇一个听哥哥嘅歌我会un，系你唱我真系听到un。你今日好型。”谭校长：“我就睇到啲嘢㖞，我觉得佢有少少似david bowie，有些少似𠮶啲感觉。”
吴大强唱《Sway》。肥妈：“佢唱英文歌好叻，佢唱呢啲歌啱晒佢把声。”
李佳以《Greatest Love of All》迎战周吉佩的《爱很简单》。肥妈给评语时突破感情到喊。她说：“好开心，真系好开心，真系好开心。两个都好尽力，真系唔识讲，系咪好先？边个赢都系应该嘅。”校长：“好！吉吉系咁多次入面，今日系瞓身解数，连（柜）笼底都攞埋出嚟，哈哈，有啲upup哋嘅味，不过系好嘢，好似陈皮一样。佳佳都系稳阵，冇得倾啦，两个都好，无论边个赢都系实至名归。”伍仲衡：“吉吉行出嚟好有火，你今日完全系唯一一集我觉得你系一个star。”吕方：“两位都唱得好，佳佳肯定好稳阵，每粒音都好准。”
周吉佩成《中年好声音》总冠军，以4分之差胜出！周吉佩得奖感言：“我好多谢中年好声音，好多谢我太太，我谂都冇谂过有机会攞呢个奖，因为有好多人留言，你要红一早都红咗啦，点会等而家先嚟红，但系我成日都唔想放弃，因为我真系好钟意好钟意唱歌。我呢十几年去打工赚钱都系为咗唱歌，行到今日我好多谢中年好声音一班兄弟姊妹，多谢我嘅fans，我从来都冇fans，呢个比赛我竟然有fans club。”
《中年好声音》比赛，罗启豪获得季军，李佳成为亚军，周吉佩夺得冠军。
不过赛果似乎就未受到部分网民认同，有网民就于TVB Facebook和“See Saw 先”上留言，写道：“好有做马感觉，周完全唱唔到义歌嘅感情”、“其他人支咪好似唔入声，系吉吉支咪好似宁舍入声”、“第一首歌评分先做下戏，之后全部都冇开评审啲分就知道任佢哋玩，何必太认真？”也有直指扫不到李佳的QR code，因此不能够投票给她，表示赛果没说服力，还有人表示不会睇下一季，写道：“做马做到出面，好肉酸啰！又走音又甩keyy兼唱错歌词。”
中年好声音决赛赛果详情?
香港01为你提供完整决赛赛果名单，冠军遇人生低潮感谢太太不离不弃，虽然冠军指爆冷造马，但都指出未来望用能力令大家支持。
中年好声音6强当晚表现?
大热71岁吴大强当晚失准，更被指...详情请看。龙婷被伍仲衡评欠时代感，据知TVB将会与6位决赛歌手签约，李佳大有机会成为歌手，但都会继续教学生唱歌。颜志恒唱《拒绝再玩》 校长：少似David Bowie。