李佳芯自认一嚿饭　被人抽水都唔知：帮佢谂埋合理化咗件事

李佳芯（Ali）今日（ 17/4）现身尖沙咀出席myTV SUPER 7周年活动，乘坐主题巴士巡游祝贺。Ali表示：“其实我都好钟意坐巴士，而每次坐亲巴士我都选择靠近窗边𠮶个坐位，因为沿途可以透过车窗望吓风景，睇吓周边嘅事物，趁机可以放松唔使谂咁多嘢，过程系好舒服。”

被问有否发生过巴士情缘浪漫史？Ali笑言：“大家可能睇得太多电视剧，不过我都有过呢啲幻想，但好可惜从来都冇发生过我身上。（有冇发生博懵事件？）交通工具上就未试过，但就试过放学嘅时候，行行吓街，有位阿伯迎面行过嚟，佢只手会无啦啦咁伸埋嚟摸一摸我只手，当时我就谂佢系唔系唔小心呢？（点解当时唔出声？）𠮶阵时仲系一嚿饭嚟，我系会谂佢系咪唔小心呢？仲会帮佢谂埋合理化咗件事。而家人大咗就梗系知咩一回事啰，不过好彩呢啲事，就冇乜发生喺我身上，如果而家俾我遇到，我梗系会即刻出声同埋报警。”