反起跑线联盟︱肥仔唔避嫌绯闻演夫妻　娟姐：惊佢太投入抽离唔到

由梁咏琪（Gigi）、袁富华、潘灿良、周家怡、强尼等担岗主演的ViuTV电视剧《反起跑线联盟》周五（15日）举行开镜拜神，被七仙羽师傅在《晚吹》爆料ERROR队长肥仔（梁业）：“一早吼住娟姐（练美娟）！”这对“绯闻男女”最终在《反起跑线联盟》同框，更关系十级跳饰演育有一名儿子的夫妻，乍看刹是挺合衬，对于江湖传闻二人就相当大方，肥仔：“大家（a.k.a七师傅）好想我哋一齐拍嘢，连Gigi、灿哥、家怡都话我哋系最似夫妇！”娟姐就指肥仔是私心道出内心对白：“我惊佢太投入感情抽离唔到！”二人相处打打闹闹，反而更予人关系亲近之感觉，问到会否真的擦出爱火花，二人就坚称：“我好专业！一定唔会！”肥仔：“理想型唔系对方，私下系Best Friend！”娟姐立刻驳火：“你咁快落闸，到时唔好话爱上我！”

点击图辑睇肥仔＆娟姐几有爱！

问起二人在剧中会否有亲密戏份，原来肥仔曾问导演：“我哋使唔使咀戏，佢话冇㖞，我有少少失望其实。”娟姐随即解释：“我哋最亲密系生咗个仔！身形似肥仔、样就似我！”只见二人的“第二代”选角满分，样子跟二人十足饼印！肥仔又透露与小朋友对戏有一定难度：“佢比较活泼、调皮，我哋讲嘢佢唔听就会用绝招锡佢一啖！”