陈嘉倩上位争做ViuTV一姐？　Job接Job极受重视：我哋冇讲呢啲嘢

陈嘉倩（Katherine）周二（12日）出席ViuTV综艺节目《虫前有10个女仔》记者会，谈起在节目中有不少奇遇：“我好幸运地排除万难揾到好珍贵嘅卢氏小树蛙，仲见到蜈蚣生蛋，我原本好惊昆虫，但原来透过镜头望住佢生蛋系几治愈，15至20分钟生咗五只蛋，好似Discovery Channel咁，我谂香港电视史上冇呢个画面出现过。”

陈嘉倩在签约ViuTV后可谓扶摇直上，继早前孭重飞担任奥运主持，近日更接连两档节目《赌命夫妻》及《虫前有10个女仔》播出，工作不断，问起是否要竞逐一姐之位，她连忙表示：“绝对唔系，我哋冇讲呢啲嘢嘅，好似今日咁，我哋10个女仔好开心可以参与同一个节目嘅拍摄，（私底下关系都好好？）好Friend啊，Shirley（沈殷怡）都合作过几次，我要向佢学习，因为佢系昆虫专家，点解节目唔安排我同佢一齐拍，咁我就可以有人依靠下；而且今日又认识咗啲新朋友。”