周家怡游走ViuTV、TVB拍剧　自由穿梭两台冇后果：新时局要改变下

由梁咏琪（Gigi）、袁富华、潘灿良、周家怡、强尼等担岗主演的ViuTV电视剧《反起跑线联盟》今日（15日）举行开镜拜神，周家怡是次在剧中饰演一名单亲妈妈，性格亲和、甚得小朋友欢心，第二度饰演妈妈角色的家怡表示：“我谂而家差唔多年纪要做妈妈角色！”问起会否是现实中的预习，家怡说：“单卵繁殖搞唔掂！我自己一个（指单身）冇谂咁多，但拍戏嘅时候系打动嘅，小朋友真系好得意，最紧要系好乖，曳就会即刻唔想生！（想结婚？）揾咗个男朋友先啦，（有人追？）唔知点解，坚系冇！随缘啦。”

周家怡搭档郑嘉颖、马国明、钟嘉欣等主演的无线（TVB）台庆剧《星空下的仁医》下周播出，家怡更是昨日才出席完友台宣传活动，今日就轮到ViuTV《反起跑线联盟》开镜，问起是否现时已经无需“过冷河”，她就说：“ViuTV好好，我谂佢冇呢啲嘢，同埋我觉得而家都新时势、新时局，应该都要改变下！我好庆幸《仁医》系继《导火新闻线》后嘅班底再合作，我谂所有嘢都唔好谂得太复杂，我哋作为前线基层，大家一个团队都系想做好件事，其他佢哋谂咩唔理喇，自己演好部戏最紧要，都好开心可以再拍ViuTV嘅戏。”问起两台工作模式会否不同，家怡就表示大同小异：“因为TVB𠮶个系外判，唔系以前嘅拍摄模式，啲Crew以前都有合作过。”