虫前有10个女仔︱李炘颐郑伊琪惊餐饱　张右雨恨拍拖但唔拣MIRROR

李炘颐（Alina）、张右雨（右雨）、郑伊琪（浩南）周二（12日）出席ViuTV综艺节目《虫前有10个女仔》记者会，谈起在节目中有不少奇遇，Alina指最惊吓部分为节目组要她捉半臂长的青蛙：“我嗌到成座山都有回音！”浩南反而觉得自己在拍探灵节目：“我拍𠮶日系七月十四，真系遇到一Roll机咪就收唔到声，我喺现场又真系有啲头晕，原本我冇乜呢啲感应，好彩有带定符同辟邪嘅手链喺身。”

右雨就“投诉”指两位导赏员为情侣关系，二人更不时大放闪光弹：“佢哋成日放闪、又翘手，我喺隔篱劲尴尬，（自己都想揾返个男朋友？）唔系话揾就有㗎嘛，（ViuTV好多男艺人㖞）我已经扫过晒，冇嘅程度系𠮶阵拍《海陆竞技场》，连闪避球港队啲男仔我都扫埋！”随即被旁边的浩南大指其要求高；至于问及是否MIRROR、ERROR都没有理想型，旁人立即帮腔指：“唔敢讲！”右雨解释道：“有啲都识咗好耐，所以唔会有咩感觉。”

提及《全民造星IV》即将开锣，三人随即表示看了新版《前传》日系MV，浩南指：“好想喺后面跟住跑！”右雨更透露原本有意参战：“我自己本身都钟意女团，后来公司安排咗其他工作，然后觉得经历咗一次都够，做好作品比《造星》更重要；始终自己想行演员呢条路多啲。”Alina就没有要再度参战的意欲：“练一只舞要好耐！”