【阿爷厨房】方太赞鼎爷“有声有艺”　铁汉好谦虚：受之有愧呀！

自从李家鼎（鼎爷）与谭玉瑛合作主持饮食节目《阿爷厨房》，好评如潮，皆因鼎爷展现一身好厨艺与好刀功，令不少观众刮目相看，炮制出的一道道怀旧菜式，勾起不少观众的回忆，不禁大呼：“好有家嘅感觉啊！”不单止网民赞好，就连煮食节目代表人物“方太”方任利莎都有留意鼎爷，仲喺微博写道：“观赏鼎爷主持的烹饪节目，有声有艺不卑不亢不自夸题材资料别有风味，引人入胜，是我认为最佳的烹饪节目。”方太更表示，如果有机想向鼎爷偷师㖭呀！真系劲过拎5星星！

鼎爷得知获煮食节目icon方太最高的赞赏之后，即刻受宠若惊，表示难以置信，“我真系受之有愧呀！方太真系好叻，我之前有睇佢节目，坚系有料。呢个世界山外有山，天外有天。多谢佢欣赏我，有机会我都要请教佢呀！”不过，方太除了力赞鼎爷，都有讲到：“如果旁边那位姐姐能少些说话更好，其实抢话并不能出位适当的时候发言会令人更欣赏的绿叶，忠言逆耳望见谅。”嫌谭玉瑛姐姐有啲烦㖞，鼎爷又点睇？佢就话：“咁又真系无办法，咁做拍档有时都要搞下气氛，我自己对佢就ok满意，佢都识煮下嘢食。”听讲《阿爷厨房》会开第二辑，鼎爷就话唔清楚，但如果方太做佢拍挡，又肯唔肯？鼎爷即刻二话不说：“She is a good partner！”鼎爷，要靠你氹方太出山啦！

除此之外，早前有网民叫鼎爷可以拍香港版《深夜食堂》，鼎爷听完即刻话咪搞：“40年前我都做主角，40年后仲做主角？你叫我煮下嘢食、卖下刀就得，做小生位？揾鬼睇！（好多人话一定睇㖞！）唔好啦！拍第2辑《阿爷》我就得！”

精选“阿爷”怀旧菜熟悉的菜式，熟悉的味道，由鼎爷展身手再次烹调出来，让观众可以透过电视都闻到这种属于“广东人”的味道。一班网友就拣出以下几道精选菜，他们除了表示看到食指大动，仲想穿上围裙落厨亲身研究！不过鼎爷提提大家，煮怀旧菜并无捷径！大家畀心机学啦！

【两面黄煲仔饭】风起了，是时候食煲仔饭了！很多以为在家那有可能煮到煲仔饭？鼎爷就话你知Nothing is Impossible，加块咸鱼同条腊肠，香气立即扑鼻而来。网民最动心的，莫过于煲底的饭焦，因为是整煲饭的精华，鼎爷在节目中就倾囊相授。

【古法盐焗手撕鸡】还记得鼎爷介绍这道菜时，带谭玉瑛姐姐到纸扎铺......买纱纸。一般盐焗鸡都是用白纸，鼎爷就话用纱纸包住只鸡，可以令水分及不好的东西渗出来，然后就可以将盐香完全渗入只鸡到，连纸的材质都如此讲究，真是服了鼎爷。

【砂锅鱼头】这款菜同是网民最爱，睇见都要流口水。鼎爷教大家整鱼头煲的时候，其下酒方法让大家啧啧称奇，原来这样可以辟腥味，不禁话：“又有秘技学！”、“长知识了！”

【鱼肠煎﹑焗蛋】

利用鱼肠做料理，食落去就好食，做法就真是…一个字“难”！首先要针对肠的处理，因为是内脏关系，第一就要清洗去除当中的味道。鼎爷节目中，除了烹调之外，就好用心教导大家如何辟除腥味及苦味，等大家煮起上来更易上手。