【阿爷厨房】李家鼎铁汉有柔情　提起前妻厨艺：真系无咩天份

向来形象强悍、硬朗的李家鼎（鼎爷）由武术刀转挥菜刀，耍的刀法由充满狠劲，转化至柔韧有力，实在让人另眼相看，超级惊喜。71岁的鼎爷行走娱乐圈40多年，迟来被发现有刚人柔并济的一面，这种男人都真系几吸引㗎，近乎绝种㖭。摄影：梁碧玲

鼎爷一讲起煮嘢食，咀角总是上扬，然后滔滔不绝。怀旧菜、煮虫、食疗，咩都可以讲，而且知识相当广博，但原来讲起食，鼎爷前妻施明都关事？典解嘅？事关鼎爷的好拍档谭玉瑛姐姐经常提起前妻：“未埋位嘅时候，鼎爷会讲起以前嘅事，成日都提起佢前妻㗎啵。”阿爷听到，马上回话，但语气淡然：“咁我过去生活都系得一个女人啫，咁以前系屋企煮嘢食，佢（施明）都系度呀嘛！无理由忽略佢唔讲，佢确实存在嘅，无咩好避忌。”

鼎爷厨艺如此了得，做佢老婆咪可以坐低等食？鼎爷忆述与前妻的生活：“又唔系完全喺度等食，佢都会落下厨，（有无教过佢煮？）都有嘅，但佢就差咁啲天份，平时都识整下家常菜，蒸鱼、炒菜，味道都叫过得去。”鼎爷现在少为家人煮饭，但依然会拿起镬铲，“两个仔就好少煮畀佢哋食啦，反而兄弟朋友开大食会，预我一份去帮手啰！”鼎爷提起前妻，没有半点避讳，为人又够晒雷气，真系好嘢！

后记： 访问当天，节目还未出街。期间鼎爷收到几通电话，其中一个是囝囝打来，说要会合他，鼎爷叫他稍等，仲话：“我而家做紧访问呀，你老豆而家做咗主角呀，你唔知咩死仔？你而家先至系马骝屎忽咋，你老豆几红！”虽然讲笑，但鼎爷一语成真，今次呢期最红系你啦！