【阿爷厨房】李家鼎霸气自称唔识醉　行走江湖要一技傍身

呢期最红的，除了出炉视帝视后，其实鼎爷李家鼎都唔差！最近他孖住谭玉瑛做饮食节目《阿爷厨房》，主要煮怀旧菜。两人第一次合作，出奇地有神奇的化学作用。网民对于鼎爷细腻的刀功，不禁大赞“完全系真功夫”、“的确系有料到”，节目仲突破肥妈、May姐，成为“最好睇嘅煮食节目”。摄影：梁碧玲

鼎爷同谭玉瑛，同煮𩠌大揽都扯唔埋，今次拍住上，认真深藏不露。两人大谈节目目的，并不是呼吁大家一开始就要打大佬，越级挑战步骤繁复的怀旧菜式，谭玉瑛话：“煮怀旧菜确实无捷径，但透过节目我同鼎爷分享的故事，要大家学识珍惜。”由西关大少，经历过家道中落的鼎爷听到都频频点头：“我唔系讲自己曾经凄凉过，但以前穷，煮饭买一大块猪肉，可以煮足3餐，边似而家，材料随处都买到，好易搞到浪费，所以最想大家都想学下‘有衣食’。”

刀功是这样炼成的节目最抢眼，就是鼎爷的刀功，不论切猪肉定姜丝，厚切当然容易，薄切一样难不倒他。讲到鼎爷神级刀功是如何炼成的，他就开始分享接触煮食经过：“家父以前开过大酒楼，自然就要求仔女都要识煮饭。后来无办法啦，家道中落，就一定要识煮饭。”万事起头难，鼎爷最初入厨房，都试过被老窦闹：“做得唔好真系一嘢打落头到㗎！”幸好，鼎爷对入厨越来越有兴趣，加上有不少人都对他煮的菜赞不绝口，鼎爷对落厨的要求日复日提高：“我就系唔服输，越系做唔好，就越要做得好畀人睇，刀功就系咁样练返嚟。”鼎爷如果唔好胜，大家今日都睇唔到鼎爷原来咁厉害！

鼎爷煮食经验极其丰富，讲起菜式就滔滔不绝，水曱甴、禾虫等，其实鼎爷好似无嘢未煮过。还有食疗，鼎爷懂得煮菜消化不良、小孩夜尿，咁咪即系唔洗睇医生？他说：“托赖，我平时生活都好健康，唔洗开工，做完新闻就逼自己去瞓。系衰在食下烟仔，酒呢，我都好少饮，唔系唔饮得，系我无兴趣饮。”

千杯不醉？话题转移到饮酒，鼎爷大赞谭玉瑛煮西餐会饮香槟，识得享受人生之际，自己都忍不住分享过往“行走江湖”的经历。“烟就无法啦，以前入行见到前辈，受佢哋影响，掂咗，但以前饮酒，都要一技傍身。”于是鼎爷讲起自己千杯不醉的秘密：“平时饮Tequila一杯就醉，点样饮7杯都唔醉呢？饮嘅时候要一口气饮，唔好透气，然后用丹田，一下‘哈’出嚟，将酒气都‘哈’出嚟，咁你饮几多杯都无事。”听鼎爷不论分享煮食，还是行走天涯顶酒事迹，都可以写成一本书，今次真系长知识了。