花姐承认MIRROR成员人气不均会尽帮：Frankie系比较内歛同怕丑

撰文： 赵允琳
出版：更新：

男团MIRROR于5月举行演唱会两度加场后火速售罄，可见12位成员的受欢迎程度不容忽视，再加上四位人气成员Anson Lo（卢瀚霆）、姜涛、Ian（陈卓贤）和Edan（吕爵安）昨日（31/3）分别各自在一日内现身四个活动，连经理人花姐（黄慧君）都无法分身照顾，要出动到三个经理人帮忙。

（左起）Anson Lo（卢瀚霆）、姜涛、Edan（吕爵安）和Ian（陈卓贤）昨日（31/3）各自在一日内现身四个活动。（资料图片）

眼见自己一手凑大的仔仔工作接踵而来，令花姐大为感动相当感触：“两年前嘅我当然系冇谂过，MIRROR依家可以令大家咁接受到佢哋，我真系好开心，我好希望嚟紧呢年12个都可以喺娱乐圈有自己嘅角色，MIRROR唔系净系一个男团，而系可以喺其他领域都发挥到。”

花姐坦言见到MIRROR有今时今日的成绩大为感动。（资料图片）
花姐昨日（31/3）伴随着Anson Lo出席活动。（梁碧玲 摄）

花姐表示虽然现在MIRROR有部份成员率先跑出Solo出道，但她承诺之后陆续会再力捧其他人，最终目标令每个MIRROR成员都可以进行个人活动：“开头都有好多人话，点解MIRROR签嘅人咁奇怪嘅！好似有啲唔系好识唱歌、跳舞都签佢做男团，就系我哋签佢哋12个嘅时候已经计划好，例如Stanley（邱士缙）、AK（江𤒹生）、Lokman（杨乐文）佢哋摆明系拍剧好啲我哋就想佢哋喺演戏方面发展，同埋综艺、唱歌、跳唱，依家呢个年代KOL都系一个好好嘅路。”

花姐承诺之后陆续会再力捧其他人，最终目标令每个MIRROR成员都可以进行个人活动。（梁碧玲 摄）

相对MIRROR中的姜涛或Ian，花姐承认团队中有部份成员人气较弱：“我都明嘅，例如Frankie（陈瑞辉）、Jeremy（李骏杰）、Alton（王智德）佢哋喺个男团入面好似唔系发挥到好大嘅作用，甚至阿Jer（柳应廷）、Ian都系㗎唔识跳舞，但我觉得只系对佢哋嘅一个训练，我哋不断揾唔同嘅机会畀佢哋。”有不少声音指Frankie作为颜值最高的成员之一，却未有太多突围的机会而大为可惜，她表示正努力帮助他：“Frankie唔系特别冇自信，只不过个人系比较内歛同怕丑，可能需要多少少时间，嚟紧我哋都想佢拍剧同参与唔同嘅Casting。好多人留Comment话点解佢冇机会喺MV入面（镜头多啲），我觉得大家唔好心急，MIRROR只系出咗道两年，要有啲耐性唔好畀压力佢，我自己系好希望Frankie可以喺戏剧方面发展。”

花姐表示会落力帮助Frankie，让他可以有更多发光发亮的机会。（梁碧玲 摄）
讲靓仔Frankie绝对不会输。（陈瑞辉IG图片）

点击观看更多Frankie的照片：

+12

日前因为“恶搞姜涛”事件引起一连串风波，姜涛及一众MIRROR成员的得体回应亦被外界盛赞有加，甚至被谭咏麟点名大赞EQ高，花姐笑言MIRROR和ERROR可能都因为经历过《全民造星》的训练，所以更加知道该如何表现得体：“佢哋因为一路有《全民造星》嘅训练，会知道点样出到嚟系最好睇嘅一面畀人睇，点样个Presentation会好啲，所以都唔关我事嘅！”

点撃睇各成员活动盛况：

+16
姜涛希望继续被恶搞　即场示范扮MIRROR同花姐：佢最近老花眼！姜涛多谢谭咏麟赞自己EQ高：对于被恶搞都冇乜太大感受Anson Lo@MIRROR拍剧又开演唱会冇得唞：每日有3、4个钟瞓好开心Edan@MIRROR街头活动群情汹涌　粉丝走出马路险象环生MIRROR人气爆灯大量粉丝守候姜涛　4位成员同日活动遍布半个香港AK@MIRROR新歌《黑之呼吸》为黑面平反　中空上阵大晒子弹腹肌两大电视台新一轮综艺攻势　ViuTV凭MIRROR人气有机创高收视？