Anson Lo@MIRROR拍剧又开演唱会冇得唞：每日有3、4个钟瞓好开心

撰文： 赵允琳
出版：更新：

男团MIRROR成员Anson Lo（卢瀚霆）今日（31日）现身模型活动吸引近50名粉丝围观，他笑言自己小时候比较喜欢收藏模型车。很多种类如的士、货车、巴士等等都有，更因此令他对于驾驶甚有兴趣：“我又冇话好想从事驾驶行业，但就令我好想学揸车！我细个成日发梦自己揸车好叻，但唔知点解大个咗就冇咗时间同动力去考车牌，我希望今年一定会实际行动，起码报考车先！”

MIRROR成员Anson Lo今日出席活动吸引近50名粉丝围观。（梁碧玲 摄）
现场粉丝见到Anson Lo非常兴奋。（梁碧玲 摄）

Anson Lo前段时间刚刚忙完拍摄《大叔的爱》，现时又马不停蹄忙于为5月举行的MIRROR演唱会作准备，他笑言相当吃力，睡眠亦严重不足：“有3、4个钟都好开心喇！可能由《男排女将》到《大叔的爱》已经惯咗瞓得好少嘅拍剧模式，第二日工作都唔会太眼瞓！同埋我都唔知点解我愈瞓得少状态愈好，上个礼拜我突然瞓多咗5、6个钟，第二日即刻面又肿，好似仲眼瞓过唔瞓觉咁。”

Anson Lo笑言自己睡觉睡得多会面肿肿。（梁碧玲 摄）

由于反应实在热烈，MIRROR一连五场演唱会再宣布加开5月11日的场次，并且由本来50%入座人数提升至75%，Anson Lo表示之前买不到的粉丝可以把握最后机会：“其余五场都会再开放多额外25%嘅座位，大家抢飞都要加油！我妈咪爹哋都有朋友、客户嘅仔女想透过佢哋买飞，但系内部嘅飞又真系好少，所以我留得畀屋企人已经留唔到畀佢哋嘅朋友，帮得几多得几多！”他又透露今次演唱会会有大家意想不到的组合擦出新的火花：“可能系出道以来大家更加估唔到嘅组合，可能两个一齐、或者四个一齐，我哋想做一啲我哋第一年演唱会唔同嘅嘢。”

Anson Lo孖住花姐出活动。（梁碧玲 摄）
现场不少粉丝们都表示买不到演唱会飞，但一定不会向黄牛屈服，明天开卖会出动几部电脑和iPad揿飞。（梁碧玲 摄）

点击观看更多Anson Lo的现场照片：

+5
MIRROR演唱会终极加场　政府放宽入座率新增门票同日开卖他来自江湖｜“御用大佬”徐忠信武打出身　做郑少秋替身重伤隐退SHINee泰民直播透露“今个夏天我不在”　预告28岁前入伍粉丝不舍麦贝夷怒数旧爱“性伴侣数量多得惊人” 　矛头直指翟威廉？王梓轩自认习惯被网民留言攻击：都系提供一个娱乐畀大家讨论麦美恩打“姜蓉”被批冇品　姜涛粉丝涌入IG洗版：自己唔红就算啦