姜涛多谢谭咏麟赞自己EQ高：对于被恶搞都冇乜太大感受
男团MIRROR成员姜涛今日（31日）出席照相馆开幕仪式，出道以来虽然经常参与拍摄，但他表示自己对于影相方面并不出色，更吐槽自己难以在其余MIRROR成员身上偷师：“我哋各自影嘅都系对方嘅丑态，影对方样衰嘅相就好有心得，例如化妆画眼线反晒白眼嘅相，但系我哋唔会show出嚟畀大家睇，真系太样衰啦！”
MIRROR一连五场演唱会由于反应实在热烈，今日再宣布加开一场，姜涛笑言好开心：“我私底下都冇乜朋友，但以前好多好耐冇联络嘅同学都有揾翻我，我都希望可以满足到大家！”姜涛的爸爸于去年底突然中风入院而令他担心不已，他透露爸爸已经度过了危险期身体回复得不错：“佢都想嚟睇嘅，但我哋都好担心佢嘅身体状况可唔可以嚟到演唱会，因为（演唱会）都会有好多人！”
早前姜涛踏上红馆担任林二汶的演唱会嘉宾，他表示因为要在四面台表演令他非常紧张：“正式第一次系郑秀文前辈邀请我哋MIRROR去嘅，但今次真系第一次自己一个人上，要hold住咁大个台系好难，真系好唔够经验。好多人都话好想见到MIRROR上红馆，但我觉得都系言之尚早。”
早前因为TVB记招闹出“恶搞姜涛”事件而成为全城热话，姜涛早前表示“唔系好大件事”，并认为对方毋须道歉，甚至并为粉丝的激动行为致歉，令乐坛大前辈谭咏麟谭校长公开大赞姜B回应大方得体兼EQ够高，姜涛谦虚表示：“我私底下大家都唔会觉得我系EQ高嘅人，真系夸张咗！其实我本身对于呢件事都冇乜太大感受，纯粹觉得系一件好平常嘅事，我都好多谢校长咁赞赏我哋，都好希望可以有多啲人留意我哋MIRROR！”
对于谭校长有意邀请他去TVB歌唱节目《声梦传奇》，姜涛表示无任欢迎：“任何艺人我哋都好想合作，因为我哋都算系乐坛新人，所以任何机会或节目我哋都想参加，都可以多一个途径畀人认识我哋，所以我都唔会抗拒任何邀请！”
姜涛希望继续被恶搞 即场示范扮MIRROR同花姐：佢最近老花眼！
点击观看更多姜涛的现场照片：