Edan@MIRROR街头活动群情汹涌　粉丝走出马路险象环生

人气男团MIRROR成员吕爵安（Edan）今日（31/3）现身旺角街头派奶茶，吸引近二百名粉丝围观。不过，由于舞台靠近马路，不少粉丝为见偶像一面不惜走出马路险象环生。Edan亦非常担心粉丝安全，接受《香港01》访问时说：“冇Expect今日咁多人，始终系平日中午时间，见到咁多人都有少少吓亲。担心Fans安全，有啲时候都几危险，因为太近马路。好彩大会都有安排，冇发生意外。”

今日不单只Edan有公开活动，队友姜涛、卢瀚霆（Anson Lo）以及陈卓贤（Ian）均有宣传活动，Edan坦言今年更多人接受以及认同MIRROR：“呢排各自多咗好多唔同工作，呢年MIRROR运势开始好，更加多人认同我哋。一直以嚟MIRROR问题系我哋有班Fans，但出面认受性唔高，而家开始更多人接纳我哋，系好振奋，一定要更努力做好表演。”

MIRROR演唱会宣布再加场，由原本的三场变成六场，Edan表示非常开心不过亦担心体力负荷问题：“当初得50%入座同三场，准备咗嘅表演好似唔多人睇到，有啲嘥。而家75%就大家都开心啲，体力上顶唔顶得顺就预计唔到，未试过连做六日，估计好辛苦，辛苦得嚟系值得。”至于准备了什么杀手锏，他说一定会弹琴：“一定会弹琴，又称唔上杀手锏，Fans想睇嘅表演都做到畀大家睇，都会有啲Expect唔到，大家期待下。”

第一首派台歌《E先生 连环不幸事件》MV推出两个月，观看次数已经突破二百万，Edan坦言喜出望外不过亦为他带来压力：“系一件好开心嘅事，好多谢大家咁支持。呢首歌帮咗我好多亦都系强心针，证明我钟意嘅音乐大家都钟意。压力嚟自出第二首歌，会唔会大家突然唔钟意。有好成绩时候，自己好似未去到咁叻，负唔负担得起呢个名衔，呢方面有啲压力。（下一首Solo几时出？）筹备紧，未咁快，应该系《大叔的爱》之后。有得出下一首都系因为呢个View数，决定以后出都话‘最后一首’。”

点撃睇群情汹涌情况：

同场加映

MIRROR人气爆灯大量粉丝守候姜涛　4位成员同日活动遍布半个香港