夏韶声红馆开骚多得传媒报道获康文署回复：攞期好顺利

夏韶声（Danny Summer）今日（27/5）现身尖沙咀出席《夏韶声last Summer演唱会》记者会。Danny Summer接受《香港01》访问时透露，最近接受白内障手术，术后，双眼对光线更加敏感，故现时需要配戴太阳眼镜保护双眼：“其实我而家只左眼系有啲痛，如果啲光照得太耐就唔得，所以我而家喺室内我都要戴太阳眼镜。（影唔影响昅女？）哈哈，戴住眼镜昅就仲好啦，佢唔知我昅紧佢嘛。（都睇得清楚？）清楚，你所讲嘅昅，就只系望，咁所以望望就算啦。”

Danny Summer去年3月接受《香港01》访问时大吐苦水，指在2023年11月入纸申请红磡开2场告别演唱，仍未得到康文署回复，感觉不受尊重。今次入纸成功申请红馆开骚，Danny Summer多得《香港01》采访报道，令事情得到完满的解决：“今次申请系少过一年嘅时间。而讲返上次嘅申请，康文署睇到我篇报道之后，佢哋就主动联络返我，话佢哋收唔到相关申请，而上次帮我搞演唱会嘅公司唔系而家呢一间，咁变咗我就觉得系有啲误会。而今次我申请红馆，佢哋都好好，攞呢个期都好顺利。”