【三十而已】香港性感花旦现身　惊现大妈feel：自己都觉得唔似我

新一代打女杨柳青（Wiyona）因在《解决师》露背出浴色诱对手而令观众留下深刻印象。由模特儿转型做打女嘅佢，巴西柔术、咏春、刀、枪、棍术、马术样样皆精，一有时间仲会疯狂做Gym，以保持美好身段，难怪邵氏剧集《飞虎3之壮志英雄》都预佢一角。

与此同时，原来杨柳青亦稍稍现身内地热播剧集《三十而已》，剧中饰演名店香港区高层嘅佢，到上海巡视业务时，被江疏影嘅工作态度所吸引，更有意安排佢到香港工作……或者系因为要有高层嘅气焰，所以杨柳青喺剧中嘅打扮多以烈艳红唇配素色长裙或丝质衬衫，甚有大妈feel，与她在《解决师》性感秘书判若两人。杨柳青接受《香港01》访问时，笑言戏份出街后，唔少朋友都向她求证。“因为我系一个高层，所以妆容打扮都要成熟，其实好符合角色嘅设定，自己睇完之后都觉得压到场。”

杨柳青表示拍摄时，试过因为遇上打风，令她要坐了好几程高铁、飞机，用上差不多48小时才抵达上海。“因为每个火车站都要等几小时，好攰又好唔开心，亦都影响到拍摄时，身体状态唔系太好、有啲肿，自己睇返都觉得唔系好似我。”首次进军内地，虽然只系客串两集，问到片酬会否比香港高，杨柳青就话：“合理嘅。”