三十而已｜马志威北上做富家子　靠钱变万人迷：我喺女仔都会感动

由模特儿转形为演员嘅马志威（Edward)，去年在无线剧集《荷里活有个大老千》饰演反骨仔“螳螂”，成功引起观众关注。不过，脚步都未站稳，马志威一个华丽转身已经学赚人仔，更成功喺内地热播集《三十而已》插足一角，同江疏影、童瑶等合作。

剧中江疏影饰演嘅王曼妮本身系名店sales，喺游轮上遇上马志威饰演嘅有钱仔梁正贤后，即获对方展开热烈追求，坚称未婚、单身嘅马志威出手阔绰，除到江疏影名店扫货借此帮助对方跑数后，又带江疏影潜水 叹世界，而送车、租屋、提款卡等举动更系样样齐。不过愈做得多就愈可疑，唔少网民估马志威好大机系海王（即捕鱼式沟女式嘅渣男），剧中饰演马志威香港女友嘅高海宁接受访问时，亦以“忍受男朋友不断既背叛，仲要帮佢执手尾”形容自己嘅角色。

到底系唔系渣男呢？马志威接受《香港01》访问时就话：“因为梁正贤系比较自信、有钱、又识享受生活，佢唔会觉得自己有错，在马志威角度嚟讲，我唔会咁做，因为我唔系啲咁嘅人，但作为演员就要演好角色。”马志威嘅语言艺术似乎都都几叻！提到剧中出尽法宝（钱）冧女，马志威笑言如果自己系女生的话，都应该会十分感动。“但我本身就唔识， 因为所有嘢都系导演教。自己做过最浪漫嘅事……拍剧期间，因为见女友比较少，所以有一日由上海飞返香港，突然出现喺佢面前，哈哈，其实都唔算好浪漫。”

提到首次拍内地剧集，马志威表示语言系最大问题，为此开拍揾国语老师恶补：“老师教完，自己返酒店都要背晒啲拼音。今次系大制作，第一日开工见佢哋喺厂搭咗间一比一嘅店舖出嚟，外面有埋晒LED灯，喺香港都未见过，所以感觉好新奇。”而对手江疏影，马志威除大赞靓女、表现细腻之外，又指她性格爽朗。提到剧集播放至今，唯一的床上戏由马志威负责，他笑言拍摄当日，到场才知要露肉。“因为返内地做嘢，瘦咗好多，又无时间去操，所以比起拍《入铁笼》时瘦咗好多，唯有埋位之前做push up。”