【三十而已】高海宁神秘现身赚人仔 硬食贱男：系一个新嘅尝试
撰文： 邝钰莹
出版：更新：
近年演技获唔少网民赞有进步、成功摆脱性感花瓶形象嘅高海宁（高Ling），其主演嘅《杀手》、《迷网》同时播出，而暑假之后播嘅《反黑路人甲》和《C9特工》亦有高Ling份，一口气连环4个剧，非常厉害。
不过，原来除咗港剧之外，近日喺内地讨论度极高嘅新剧《三十而已》高Ling亦有份演出，而该剧更系高Ling首次演出嘅内地剧集，不过由于档期关系，所以佢只系属于客串性质，她接受《香港01》访问时表示：“系一个新嘅尝试！不过因为档期关系，所以剧中我嘅戏份拍咗两日，主要系同女主角江疏影嘅对手戏。我个角色系一个悲情人物，因为无勇气改变现有生活方式，所以忍受男朋友不断既背叛，仲要帮佢执手尾。”剧集在内地开播以来，讨论度极高、豆瓣评分有8.1，成绩不俗，高Ling透露自己都有追剧，并大赞故事写实兼细腻：“主要讲30+现代女性面对紧既各种压力，例如家庭、工作、恋爱、甚至社交，观众好容易产生共鸣！”
问到高Ling会否顺势发展内地市场，她说一切都等公司安排，并谓：“自己负责做好每一个工作。”她又指出由于剧中的角色需要是一个会讲国语的香港女生，所以公司安排了她，睇嚟无线都有意帮高Ling开拓内地市场，并以《三十而已》试试水温。
另外，提到四剧连播，加上演技备受赞赏，有网民更在讨论区发起推高ling做视后，高ling十分谦虚表示:“我呢排日日开工，连自己既剧出街都睇唔到几集，等我得闲啲会上网睇返，点都好，好多谢佢地既支持！”
+3
同场加映：高ling有几忙
+3