【三十而已】高海宁怒掴小三江疏影 演技大爆发反惹网友指责？

加入TVB逾十年嘅高海宁，近日终于获公司安排赚人仔，喺内地剧集《三十而已》演出，虽然只系客串形式，但由于剧集大受欢迎，对高Ling嚟讲无疑系一个好开始。同《迷网》一样，高Ling喺《三十而已》中都系陷入另一半偷食嘅困境当中。剧中同马志威拍拖多年嘅佢，得知男友搭上江疏影后，即时飞到上海、直踩江疏影工作嘅名店对质，结果讲唔够两句，高Ling一把掴落去，真系睇到都觉得痛……

之不过，高Ling呢一掴，似乎引起江疏影嘅粉丝不满，喺微博发文表示：“就你也配扇江疏影耳光？”明指高高Ling未够级数同江疏影做戏……有网民随即安慰高Ling“这角色可恨说明你演技好”，亦有网民表示之后可能会有更多类似嘅评论，叮嘱高Ling要做好心理准备。

或者系因为自己喺内地首次演出，所以高Ling昨晚难得现身微博并逐一回复评论，对于被指未够级数掴江疏影，佢就十分淡定咁话“入戏太深，懂的”，同时又以“放心，没事儿！三十而已的女人就是这么淡定”去安抚其他网民，看来高Ling进军内地踏出成功第一步㖞！其实高Ling之前接受访问时，透露因为档期关系，所以只拍了两日的戏份，换言之，佢一开工就要同江疏影对质、掌掴，虽然高Ling入行多年，但话晒都第一次拍国内剧集，加上对手系江疏影，绝对系唔少压力。

再睇埋高Ling跑步