【三十而已】完美太太唔一定要拎Hermès　女一童瑶衣着值几钱？

由江疏影、童瑶、毛晓彤主演嘅内地剧集《三十而已》，讲述都市女性生活中遭遇多重困境并寻找突破与自我的故事。剧集每晚播出之后，剧情内容都马上成微博热搜，足见其受欢迎程度。

由童瑶饰演嘅顾佳，婚后虽然成为全职妈妈，但亦不时操心老公嘅生意。其中一集讲佢为咗打进阔太嘅圈子当中，平昤孭CHANEL嘅佢，不惜搭上搭、碌爆卡都要入手Hermès嘅Kelly Bag。作为一位完美人妻，顾佳面对大事小事游刃而解，衣着打扮更系得心应手。有网民拆解呢位完美人妻嘅打扮，发现原来唔少款式都系普通打工仔负担得起。