【打天下】欧锦棠花近20年圆梦　3年前已睇中谈善言：佢好叻！

由欧锦棠（棠哥）担任监制、编审、动作指导兼主演香港首部以空手道为主题的电视剧《打天下》将于下周一（13日）晚上9时30分在ViuTV播出，原来这个计划已经藏在棠哥内心近二十年，对于剧集终于面世，他表示感恩：“呢个项目系喺我心里面收埋咗好多年嘅故仔，初稿嘅故事大纲当然同而家好唔同，但成个结构系2001年嘅时候已经写好，想拍电影但冇拍到，呢个梦想就系一直蕴藏喺心入面。”梦想变成现实的契机就是东京奥运有空手道的竞技项目，所以棠哥前年就再包装这个故事，与ViuTV讨论后一拍即合，于是更找来好友高林豹担任导演。棠哥又感谢一众演员帮他成就这个梦想，他又保证：“我有信心一定见得人，以我把尺嚟讲见得人唔容易，今次对自己嘅梦想、影视制作嘅要求、观众嘅期待都一定有交代！”

至于今次兼任监制与编审一职，棠哥就大呻辛苦：“我写咗大纲，里面嘅故事线要不断同编剧去倾，每一稿我都重新修改，同时我都要睇制作费允唔允许；亦都总有人事关系要磨合，中间做协调会辛苦啲，但都系监制好玩嘅地方。”问到担任监制会否有私心的部分，棠哥不假思索承认：“武打场合真系冇得将货就价，冇得倾！某啲紧要场次一定要揾足一日嚟拍！”他又谈到拍摄期间有遇上惋惜的地方：“我哋唔计较Budget，有两场戏想租香港机场拍，以往系可以嘅，但咁啱拍紧嘅时候遇到社会事件，机场封咗，我哋都有去信机管局希望半夜入去里面拍，可惜被拒，呢个喺画面上就有啲可惜。”

欧锦棠谈到自己主动找谈善言（阿谈）担任主演，并高度赞赏她悟性高：“呢啲演员去边度揾？𠮶种瞓身、搏命！我教佢动作一二三，佢就即刻做到畀我，好叻嘅一个演员。”谈起二人之间的渊源，棠哥就忆起三年前二人合作拍电影，当时饰演阿谈的爸爸：“第一次合作我就觉得呢个演员咁年轻，但系啲戏好踏实，一啲都唔造作好舒服，我好钟意咁嘅演员，个样又好有性格，我就记住咗喺心，有机会一定要揾呢个演员做戏。”他又自问对阿谈与MIRROR成员Anson Kong（江𤇹生／AK）很是严格：“呢套戏入面嘅动作唔系一般嘅武打，系好实净嘅！唔容易㗎！”