【打天下】与Anson Kong埋身肉搏去到尽　谈善言：现场受伤都唔觉

香港首部以空手道为主题的电视剧《打天下》将于下周一（13日）晚上9时30分在Viu TV播出，谈善言（阿谈）与MIRROR成员Anson Kong（江𤇹生／AK）今日（9日）出席记者会时谈到早在开拍三个月前就跟本剧的监制、动作指导兼主演欧锦棠学习空手道，他们均认为这个师傅可谓十分严格，AK说：“棠哥对打好有要求，有啲细节冇咁轻易畀人过，记得有个难嘅招数拍咗八定十个Take！”阿谈认同道：“棠哥捉动作、角度、发力都好严谨，尤其是武术更加认真！至于演戏方面佢就好Open，我之前分享咗啲意见都有加入剧本。”

《打天下》的武打戏份不少，阿谈与AK异口同声说其实拍摄之前已经有受伤的心理准备，阿谈更试过全身都有瘀青，她说：“拍嘅时候都预咗，始终入面嘅打斗场面好多，一个礼拜都要郁几次，所以伤都无可避免，始终大家都新，力度同角度都未必就得好精准。喺现场就算受伤都唔觉，通常系第日先会觉。”AK附和说：“因为当时嘅肾上腺素飙升得太劲！有时对打之前都会同对手讲唔使留力，自己顶得顺，可以大力多少少，出嚟感觉会真实啲，始终大家都想件事靓。”阿谈赞同道：“佢成日叫我真踢落去，都几挨得！”

这也是AK首次饰演戏份吃重的角色，他坦言压力甚大：“演技比打更大压力，除咗训练空手道，导演同棠哥都用咗一段时间执我嘅戏，因为我开头真系好紧张，但大家都慢慢帮助我进入状态，两个星期左右就拍得越嚟越舒服，成个Crew真系太有爱！”他又大赞对手阿谈体贴：“阿谈见到我紧张会喺化妆、食饭嘅时候主动同我对一次戏，然后再进入拍摄，咁样令我舒服好多，佢知道我唔识都好照顾我。”阿谈亦大赞对手AK：“学得好快，捉到个窍门去进入角色。”

阿谈与AK在戏中饰演一对欢喜冤家，及后更会发展到情侣关系，至于亲密的戏份，AK笑说：“我哋成日都掂到对方，拳头对拳头𠮶一种。”阿谈就先对生粉（AK粉丝名）打定预防针：“希望AK嘅Fans唔好嬲我、唔好打我，好惊佢哋会憎我，对唔住啊，戏里面𠮶个系庄惠（角色名）！”AK就对生粉说：“大家唔准啊！谈善言真人好锡我！”