【打天下】首次拍剧劲惊 AK@MIRROR：第一日开工要叫花姐陪我！
由欧锦棠身兼监制和主角、故事围绕空手道的ViuTV新剧《打天下》，日前在日本冲绳拍罢所有外景后正式煞科。在剧中饰演二师兄关志浩的男团MIRROR成员Anson Kong（江𤇹生，AK），周日（8/12）出席《全民造星II总决赛》“终极十强”拉票活动后受访，直言今次参演这套新剧，有如经历一次进化，感受良多。“学你话斋，呢次系我由头到尾第一次成套剧担正，开头嘅时候真系好紧张。”
圣诞就到，准备好礼物未？投【01最赏睇娱乐大奖】，有大把礼物抽㖞！超过70万元丰富奖品，包括旗舰手机11 Pro Max、Dyson风筒，仲可以有01积分换唔同礼品！
由于并非红裤子出身，撇开之前拍摄《退休女皇》不说，AK拍剧经验可谓近乎零，所以真正入组前，压力大到要向经理人花姐求助。“好记得开镜𠮶日，我仲问花姐可唔可以陪我开工，因为如果得我自己一个去真系好怕！”直到一个月后，AK渐渐开始进入状态，“成个剧组，包括棠哥同导演都好包容我照顾我，即系我唔识嘅嘢佢哋都慢慢俾时间我去试，俾时间我去学，喺煞科宴当晚，我同佢哋讲，呢3个月我就好似嚿海棉咁，每日都吸收好多唔同新嘅技能，拍到呢套剧，就真系好开心！”
《打天下》冲绳取景 谈善言演空手道黑带大师姐：角色带给我很多
拍喊戏前压力爆灯 棠哥鼓励要放胆去演
问到最深刻一次，是要演一场喊戏，跟开镜前的情况相似，AK担心自己应付不来，无法做到导演的要求，加上棠哥一句话，他更感忧虑。“佢同我讲，话呢场戏好重要，因为系喺故事入面讲我同我爸爸嘅感情，所以压力好大，但系好顺利，拍嘅时候竟然可以一Take pass！”棠哥作事后检讨时，对AK的演出给予赞赏，更鼓励他要放胆去演，“佢话唔使成日都问我意见，即系你尝试下用自己嘅方法去做咗先，唔使成日都问我意见，有唔啱嘅话我再话畀你知。”
AK坦言，因为棠哥的鼓励，令他感受到自己的心态有变，“佢俾咗好多信心我，亦令我由开头好怕演戏，到后来对呢件有少少兴趣，呢个系我拍完《打天下》嘅最大得着。”众所周知，棠哥向来对画面要求甚高，不想拍出来感觉“柴娃娃”， 所以AK透露，早在开镜前两个月，已跟棠哥密集式受训，他和剧中饰演大师姐、拥有黑带资格的谈善言去到埋位时都需要真打，受伤难免，试过扭到手和弄伤脚，幸而没有大碍。