【 打天下】亲身上阵压力大 谈善言差点打歪鼻：好痛都要忍住
撰文： 吴子生
出版：更新：
圣诞就到，准备好礼物未？投【01最赏睇娱乐大奖】，有大把礼物抽㖞！超过70万元丰富奖品，包括旗舰手机11 Pro Max、Dyson风筒，仲可以有01积分换唔同礼品！
谈善言（阿谈）今日（16/12）现身尖沙咀出席ViuTV新剧《打天下》煞科宴。阿谈透露拍打戏打到周身伤，直指棠哥（监制欧锦棠）要求高：“佢对武打要求高系人都知，佢喺现场我真系好大压力，怕做唔到佢嘅要求，不过有压力先会逼自己去完成，先会学习成长，宜家完成咗就好似考咗张成绩表咁，对下一次拍嘅时候，自己都会有好大信心。”
阿谈虽然打到周身瘀伤，但并未因此而害怕，反而越打越上瘾，有意向动作演员之路迈进：“试过有场对打戏，被对方一个直拳打中个鼻，当时都好痛但都要忍住，事后我问个化妆师我个鼻有冇歪咗，𠮶下系有啲担心，不过其实自己一直对打呢方面都好有兴趣，因为对自己嘅运动细胞都Ok嘅，直至到呢套剧阿棠哥咁有信心揾我做，拍出嚟嘅效果佢又好满意，亦满足到我自己，所以希望日后可以接触唔同嘅武术派系，尝试系动作演员方面发展。”