曾与龚嘉欣传不和　朱晨丽被问及二人关系：咁难嘅你呢个问题

朱晨丽（Rebecca）周三（28日）出席钟表活动，更为活动担任model行catwalk。Rebecca自爆自己对设计方面有研究，家中的家私和所有装修都是由她画图设计，所以如果有人想跟她合作她也无任欢迎。她又笑言可能之前开工好忙，夏天消耗较多能量，皮肤又晒黑了一点，所以看上去会瘦点。

早前是Rebecca的绯闻男友何广沛的生日，之后被踢爆二人同游泰国，虽然广沛接受传媒访问时指同行还有一大班友人。Rebecca就回应说：“其实去咗唔系好耐㗎咋，几日㗎咋。”她又笑言广沛好幸运，点解？她说：“因为约我难过登天嘅，我成日都开工，都好多年冇放过假，好多朋友放弃咗约我呢个行程，话‘点解你咁难约㗎’、‘你以为你自己系边个’，差啲同我反面，要喺呢度讲声对唔住。平时通告比较密啲，依家啱啱拍完剧，同埋广沛佢有时间，咁咪约埋一齐，又可以同佢庆祝生日！”广沛真幸运！

谈到早前跟一同拍电视剧《大酱园》的对手龚嘉欣（Katy）曾传出不和的报道，报道指Katy在私人Facebook的发文疑投诉同剧演员，而矛头就疑指向Rebecca。被问到二人现在的关系，Rebecca说：“点形容啊？咁难嘅你呢个问题，唔识答。即系我上网有澄清返嘅，咁其实我系有请过一次嘅半日嘅假咁样啫，所以大家唔好捕风捉影，其实人哋唔讲就未必系我啦，唔好咁样填我个名落去啦，咁呢个系为自己平反返嘅，所以好多嘢就唔好再作故仔啦。”她也回应其实大家都有联络，有个群组大家都在内。