【娱乐大家】汪明荃获一众艺人送生日惊喜：又大一岁喇！

汪明荃（Liza姐）周二（27日）以主持身份参与无线（TVB）综艺节目《娱乐大家》录影。提到是次录影的嘉宾为林夏薇、陈家乐、汤洛雯和张颖康等，Liza姐即自爆未曾跟这几位嘉宾合作过，她说：“私底下都唔系倾好多偈，未曾知道佢哋个性格系点，反而我哋自己‘娱乐家族’几个就玩得好出色，我谂唔同嘅人都会有唔同嘅火花，如果你成日都对住同一班人，反而会估到对方出咩招。”

提到8月28日是Liza姐的72岁生日，她感叹：“又大一岁啦！”问及其生日愿望，她说：“都系身体健康啦，如果冇健康嘅身体乜都做唔到，希望自己好好Keep住，精精神神。”Liza姐几日前在IG贴了一张和罗家英到餐厅吃甜品的合照，网民留言话两位好sweet，原来几日前是Liza姐的农历生日，今年西历和农历生日好接近，被问到家英哥有否送上惊喜礼物赠她，她笑说：“冇啊冇啊，我哋都唔兴㗎啦。”