传李佳芯被雪藏　《BB来了2》拍档黎诺懿：我哋会坐低倾吓偈

黎诺懿周二（27日）为无线新综艺节目《长命不老》录影，节目中诺懿将会做主持，跟大家探讨一下有关健康的话题。诺懿笑指自己年纪大了，也要吃得健康点、清淡点。另外，诺懿的囝囝黎峰睿转眼间已经两岁多，开始上学了，他爆峰峰的性格像一个小公关，好活泼外向，所以并不担心他返学会哭，反而担心他会欺负同学仔，他笑说：“我个仔个性格，唔知系咪似我呢，比较大佬少少，钟意管人，所以我成日都叫老师叮嘱佢，唔好畀佢打到小朋友啊。”

诺懿近来本来会出街的新剧《C9特工》，临时被抽起，延期播出，主演的他就笑言：“咁样仲好。”他解释因为本来定在8点半播《街坊财爷》，9点半就播《C9特工》，然后再播《长生不老》，刚好三个节目他都有份，他指如果照这样安排，观众由8点半到11点都看到他，就“唔系咁好”，现在《C9特工》暂时抽起反而是一个好美丽的安排。

而艺人李佳芯（Ali）近日疑卷入风波，传她被公司抽起剧集及易角，当中《BB来了2》也疑受影响，作为Ali在剧中的拍档，诺懿就表示：“其实我第一次收到《BB来了2》点解会延后嘅原因呢就系因为佳芯要拍《踩过界2》，所以我哋得两个月嘅时间拍《BB来了2》嘅25集系冇可能拍得完，所以第一次延后就到二月尾，等佳芯完成《踩过界2》先，但依家坊间有好多传言，呢啲传言我未知真定假，我都要等Ali开完《爱美丽狂想曲》同埋我开完呢个综艺，我会上去剧组问问究竟有咩安排，所有嘢会系点，我应承大家，当我知道确实嘅消息，再同大家讲。”诺懿指都有关心一下Ali，他说：“都系要等佢拍完《爱美丽》，我哋就会坐低慢慢倾吓偈，睇吓究竟发生咗啲咩事啊、传言系真定假，但系佢而家开紧工嘅时候，就等佢够精神我哋先慢慢倾。”