【长命不老】森美为麦美恩改名“缩骨遮” 　大呻：佢唔做嘢

无线新综艺节目《长命不老》于周二（27日）录映，节目内艺人们大谈健康保养，《香港01》记者访问了主持麦美恩（Mayanne）和嘉宾森美，二人经常合作，今次再擦出新火花。Mayanne常常做主持，被问到是否向著“综艺女王”之路进发，她笑言：“一路都系㗎啦！（森美：佢而家升级啊，唔使做㗎喇，净系企侧边㗎咋，终于可以做花瓶啦！）因为都想慢慢build up一个image嘅，都好想有啲代表性嘅节目，可能见我呢期好健康啩，所以揾啲《长命不老》嘅节目畀我做吓！（森美：通常掉返转。）越唔健康𠮶啲走去做健康节目。”二人继续一唱一和，合拍依然。

森美又帮Mayanne改新名叫“缩骨遮”，他说：“TVB有Do姐（郑裕玲）和Liza姐（汪明荃），佢（Mayanne）呢啲叫‘缩骨遮’，低一个grade嘅，细把啲嘅。（Mayanne：可以随身携带，有需要就攞出嚟遮风挡雨。）同埋好缩骨嘅，唔做嘢嘅，交晒畀其他主持做。”非常搞笑。之前森美有邀请Mayanne上他的电台节目大谈爱情观，森美又再强调Mayanne其实并不是大家想像般主动和大癫大肺，反而是一个斯文文静的女生，森美说：“所以我觉得唔抵嘅，啲男仔见到佢（Mayanne）以为佢会主动追人，其实唔系。”他又补充其实单身都可以好开心，“而家嘅女性同以前唔同㗎喇，自己一个更精彩！”

提到森美的儿子在英国会考取得11科A*的佳绩，他立刻喜上眉梢，大赞仔仔好叻！他说：“其实我都好少讲我个仔啲成绩，因为佢一向都普普通通麻麻哋，似我啦，坐唔定，有好多怪主意，喺香港读书都辛苦嘅，但系佢今次过去佢考11科，11科都系A*，咁都真系几意外。”他更大爆得知仔仔考获佳绩后都感动得要强忍泪水，足足跟他握手两次说恭喜，看来是一时太激动反应不来吧！恭喜晒啊！