【社区健康型活墟】森美小时候有学习障碍：将佢变成我嘅优点

森美今日（19日）出席社区健康型活墟活动，更为关注自闭症的慈善团体贝智基金举行的“陪著你跑”环节担任司仪。森美透露自己小时候都有学习障碍——专注力失调、过度活跃，所以更明白自闭症儿童的困难：“我就将学习障碍变成我嘅优点，因为我个人好冇耐性，成日都要寻求大刺激，就令我一闷睇更多唔同有趣嘅事，睇睇埋埋好多得意嘢，做节目就可以分享，好幸运可以做到。”又鼓励他们：“虽然我有学习障碍，但喺其他方面嘅发展都几好，例如好奇心比较多、理解能力比较强，而有自闭症嘅小朋友喺其他范畴都可能比其他小朋友犀利！”

森美道出自闭症儿童的状况：“自闭症小朋友坐唔定系因为冇办法控制自己，佢唔系唔尊重人或者顽皮，佢系需要咁样。”又希望普罗大众不要戴有色眼镜看待他们：“有时香港人见到隔离个小朋友郁郁动动，唔知道嘅时候就会ZipZip声，对家长同小朋友都好大压力。香港有自闭症嘅小朋友系比以往多，所以我哋应该懂得共融，畀多啲帮助佢哋、多啲体谅。”

森美昨日（18日）带女儿一起前往歌手Ed Sheeran的演唱会，却因为暴雨警告遭到取消，他说：“我哋喺呢行其实睇惯演唱会，不过囡囡就难接受啲，但作为爸爸就有个好嘅机会教导佢，虽然睇唔到，但同屋企人一齐去、一齐等都系一个经历，唔系所有嘢都如我哋所愿。虽然可惜，但都系个机会教佢：当天气不似预期、生活不似预期，点样去面对，反而谂下负面嘅事带嚟咩正面得著。”