【社区健康型活墟】孙慧雪关注自闭症儿童：帮到人嘅时候尽量帮

孙慧雪今日（19日）湾仔出席由《香港01》主办的“社区健康型活墟”贝智基金《陪著你跑2019》，她不但参加场内手作摊档、创意手艺工作坊等以运动、健康为主题的活动，更为关注自闭症儿童的慈善团体贝智基金献唱，尽显爱心。孙慧雪接受访问时说：“因为自己有咗小朋友就更加感同身受，原来小朋友有啲咩事嘅话，做父母系会好担心。今日个活动系关怀特殊嘅小朋友、自闭症儿童，身为父母都明白，所以自己喺帮到人嘅时候都想尽量帮。”

提到孙慧雪为活动特别准备了歌唱表演，献唱歌曲《陪著你走》及自己的新歌《小说故事》，其中《陪著你走》更是与一班小朋友一起表演，她说：“其实我上年已经同佢哋唱过一次，之后都有同佢哋一齐去录音。录音嘅时候要用好多力气，要同佢哋玩、抛佢哋，之后再录歌，真系个好大嘅考验，因为录歌本来已经要好够气力，跟住仲要用气力同小朋友Warm Up。”

说到儿子Riley时，孙慧雪露出一脸满足的笑容：“佢而家好活跃，可以瞓晏觉又唔瞓、凌晨12点又唔瞓，猛咁话要揾妈妈！”身为人母的孙慧雪认为小朋友的每个成长片段都是特别的：“每一日都好难忘，见到佢嘅每一日成长都好得意！”又指照顾小朋友也有疲累的时候：“小朋友净系黐住我，好攰，有时候想爸爸分担下，但小朋友话唔要爸爸，令爸爸好伤心。”