森美教仔禁民主　霸气行“家长制”：到18岁到投票年龄先讲

跨国连锁快餐店今日（11/4）在金钟举行欢乐生日会，邀请艺人李佳芯及麦玲玲出席，同场有森美担任活动主持，带领一众小粉丝切生日蛋糕及赢取丰富礼物，场面气氛热闹。森美表示：“喺呢间快餐店开生日会系儿时嘅梦想，以前细过真系未搞过，好似刚才入到嚟闻到𠮶阵味道，就谂返细过嘅时候，咁所以呢个都好梗要，到我长大咗，参加咗朋友喺呢间搞嘅生日会，原来𠮶种快乐好重要，因为童真唔系好多地方可以揾得返。”

森美做主持讲嘢叻系人都知，但有时候对住两个宝贝仔女，都大为头痛，所以在家实行“家长制度”：“啲人成日都讲民主，我就同啲小朋友讲，呢个系屋企嚟嘅，唔会讲民主，我解释过畀佢哋听，好似佢哋细过嘅时候，我叫佢哋食饭，佢哋就话好想食雪糕，喺投票之下2对1，我系会输，咁𠮶餐佢哋咪食得雪糕啰，我反问佢哋咁啱唔啱，佢哋话唔啱，咁所以用民主喺屋企系行唔通，咁我就同佢哋讲，等你哋到18岁到投票年龄，我哋先讲民主啦！”