【乱世兄弟旅行团】同森美玩18禁玩具　古巨基亲试生命中最辣食物

“乱世兄弟古巨基 x 森美旅行团”于14日播出最新一集，继“游览”东京情趣酒店之后，今次再下一城，试玩日本激安店之“玩具”！

工作人员一早已为基仔同森美准备好一堆写著“大人之粗品”同“18禁”的玩具。他们首先抽出一只成人卡通光碟，二人已经“好兴奋”，冷静片刻后，基仔继续伸手入盒内“潜”出一件“腰振！monster！”的印花Tee，而森美抽出一枝成人玩具“震震棍”之后，他即刻“队”向基仔块面，不过基仔一点都没有生气，笑言：“拍节目玩咋嘛，𠮶枝嘢好似化妆师帮我碌面嘅瘦面棒。”咁基仔有无玩过这些成人玩具呢？“梗系冇啦！以前行激安嘅时候，经过呢啲卖成人玩具嘅档，都急急脚快啲行过，视线都唔敢望，惊其他游客见到会以为我想帮衬。”基仔说。

除了成人玩具，片中基仔同森美还试食“18禁激辣薯片”，基仔更解释“18禁”的意思：“‘唔系人咁品’咁解，系要好够胆，而且年纪要大个啲先可以试。”讲起来简单，试了之后两人却辣到连话都讲不出，基仔更食到“喊”！事后他说：“呢个系我呢世人几十年来食过最辣嘅嘢！辣到讲唔到嘢，工作人员谂住帮我解辣拎咗支水畀我，一饮之下发现系气泡水！原来食辣再饮气泡水，系会再辣十倍！辣到我眼泪都飙晒出嚟！要即刻去雪柜攞个牛奶奶冻含住喺口先至可以解辣咋！”