林子善收300蚊人情句句有骨︰你畀我份人情令我永世难忘

林子善于去年4月和当时拍拖5年的圈外女友董佩欣（Kary）补办婚礼，在酒店摆酒，出名在圈中人缘好的子善由本来筵开50围加至63围，TVB的艺人都差不多好似台庆一样倾巢而出，徐荣和陈炜更加是著住戏服赶去饮宴。不过事隔一年，有人向传媒爆料，指其实当时子善在Facebook曾指责过朋友只畀$300人情。对话如下︰

林子善︰你畀我份人情令我永世难忘。

朋友︰自己都唔系好记得。

林子善︰$300

朋友︰真系唔系好肯定入咗几多，印象中好似系$500，如果真系入少咗，亲自揾你赔罪。

林子善︰我谂你一定系放错咗钱，人情$300我都冇乜所谓，你冇钱都冇所谓，我请你食饭都冇所谓，好闲，最搞笑系你Facebook Inbox我话想参与我嘅婚礼，最后一个咁嘅结果，𠮶下我同我老婆真系笑咗出嚟。

其实人情冇分多与少，做朋友手紧请你都冇所谓，讲声就得，上网揾吓去酒店人情基本畀几多。

朋友︰真心对唔住，自己冇睇吓去酒店畀几多人情，系自己嘅错。

就有关以上的对话，有传媒向子善查询，他坦言事后已叫朋友删除了有关留言，而自己跟朋友没有因为此事反面，话自己只是讲笑。而且，他也指该名朋友有向他解释因为不知道去酒店畀多少人情，该名朋友是他“friend个friend”，而子善都强调自己只是乱嗡讲笑。不过朋友的举动难免会惹来只为去“睇明星”之嫌，但谁是谁非，就睇大家点睇了。

《香港01》记者提供数字，给大家参考一下，现时去饮宴的人情公价如下︰Cocktail Party $500﹑中西式午宴$600﹑酒楼及特式婚宴场地$800﹑一般酒店及私人会所$1000﹑高级酒店$1200。其实去饮前大家搞清楚，便可免除不必要的争拗啦，不过该名朋友都道了歉，相信子善不会介怀的了。