林子善婚礼星级兄弟团　唐诗咏反串比马国明郑嘉颖更抢镜

林子善同拍拖5年囓圈外女友Kary董佩欣，去年十月注册结婚，嚟到4月3日补摆喜酒，于将军澳筵开50围。佢地揾嚟18人兄弟姐妹团，真系相当有气势呀﹗兄弟团包括剧集《铁马寻桥》一众老友郑嘉颖、马国明、黄长兴、袁伟豪、黄嘉乐等，唐诗咏更反串登场著上西装担任兄弟团，英气十足一啲都唔输蚀架。

唐诗咏喺IG贴出一张9位兄弟孖住新郎哥林子善嘅合照，留言话：“做兄弟系爽嘅，唔洗早起身，净系Chok就得嘞﹗”咁又系呀，做姐妹团天未光要起身化妆整头，又要准备游戏，兄弟团都系出现俾人玩啫。唐诗咏分享咗一盆饼干，唔系班姐妹担心大家饿，因为每块饼上面都有大大只咸竹蜂，配上芥辣酱，食完真系醒晒。马国明指林子善讲爱的宣言讲到眼湿湿，最终当然就系成功接新娘嚟个世纪之吻啦。