林子善大婚感触眼红红多谢老婆：会当外父外母系自己阿爸阿妈

林子善去年10月与拍拖5年的圈外女友董佩欣（Kary）签纸结婚，今日（3/4）补辨婚礼，子善的兄弟团有马国明、郑嘉颖、袁伟豪等等，唐诗咏更反串穿上西装做兄弟，姊妹们个个只顾看帅哥，今早接新娘可以话相当顺利。

子善一直利申自己好眼浅易喊，讲起老婆Kary更一度眼红红：“结婚唔止系两个人嘅事，仲有佢嘅爸爸妈妈，你谂吓人哋养咗三十几年嘅囡就咁畀咗你，我以后都会当佢哋系我自己嘅爸爸妈妈。”子善特别感觉老婆Kary对他的体谅和付出，因为他正在开戏，没有放很多时间在婚礼上：“婚礼有7成都系老婆搞，两成系兄弟，得一成系我。老婆平时返工已经好攰，又要跑数又要被老板摔，真系好多谢老婆。”

身分由“单身”变“已婚”，子善直言自己已经准备好做爸爸：“我一直都好钟意小朋友，但要准备好先，想揾多啲钱。之前都讲我帮屋企人买楼上车，其实我哋依家都仲系租紧楼，想生活条件好啲先生小朋友，到时我都想老婆唔好咁辛苦，你知啦做Sales成日要企，到时想请个工人照顾小朋友。”子善还透露将会去做身体检查，不想有任何不好的疾病遗传给小孩，可以说是顾虑周全，听到他这么说外父外母应该很放心了。