情欲录音女主角再有女子中枪 林子善吁唔好再估：讲出嚟无意思
林子善刚于今年4月新婚，同老婆Kary恩爱甜蜜，亦不时于Instagram上载合照放闪，林子善予人专一好老公的形象。可是，今日竟然有报道指林子善于2年半前与Kary由分手直至复合的短短个多月真空期，曾力追一名圈中L姓女艺人，林子善与该名女子的情欲录音也被公开了，内部提及：“我攞咗啲预防爱滋病嘅避孕套。”、“我正在床上，闻你残余的气味。”令人哗然。事件中的男主角林子善之后已回应了有关报道，承认于2016年初与Kary分手后曾跟圈中人拍拖。
虽然林子善并没有透露该名圈中人是谁，但就有猜测指女主角是现年28岁的歌手黄思迦。 思迦接受电话访问时表示：“好搞笑，唔知点解会咁传，我完全唔识佢，当然无见过面啦，就算系工作上都无接触过。可能系认错人，因为我男朋友有少少似林子善，而我自己都成日畀人认错系第二个，会畀人认错系庄思明。(畀人话系第三者会唔会唔开心？) 有啲委屈，好无奈，真系躺着也中枪，根本唔关我事。”
至于林子善接受电话访问时亦为黄思迦作出澄清，他说：“唔系佢呀，其实我唔识佢㗎，要同佢讲sorry，实在唔想令到无辜嘅人受到牵连。”另外讨论区则有网民开post估女主角是曾跟他于电影《鸭王2》合作过的林莉娴，子善说：“呢个仲搞笑，佢系我公司同事，我连佢电话都无，讲过10句嘢都唔够，净系喺《鸭王2》合作过一、两场戏。”他坚决不肯透露女主角是谁：“人哋攻击我，我无理由就要攻击返佢，讲出嚟无意思，我唔会做啲损人不利己嘅嘢。”
子善对于今次被公开情欲录音搞出个大头佛，他以食鱼生食到肚痛来形容：“系自己唔好彩。不过都好彩我走得快，好彩我去揾返我老婆。我同𠮶个女仔一齐咗好短时间，个零月左右，见面唔够10次，系好和平咁分手，之后亦有互相问候。我觉得唔一定要变成敌人，大家可以做返朋友。佢可能钻紧牛角尖谂埋一边，我结婚前佢仲话要送份贺礼畀我，之后就send啲录音畀我老婆。我问我老婆信唔信我，佢话信，话我以前系点唔重要，依家系点先重要，佢好了解我为人，我哋身边朋友有第三者，我知道都会好滚，所以我自己一定唔会有第三者。”
他还叫大家不要再估那个女仔是谁：“佢10几年前已经退出咗娱乐圈，当初一齐系我谂佢会明白我谂咩，结果大家性格不合咪分开，合则来不合则去，唔系咩𡁻完松，既然发觉唔啱大家就梗系分开啦，无谓唔啱都仲继续浪费对方时间。佢攻击我唔紧要，我会企出来讲返件事。”