【开心速递】74岁刘丹著潮人YEEZY波鞋：阿囝俾我，对鞋系几舒服

《爱‧回家之开心速递》入面，除咗最近人气爆灯嘅大小姐同送水辉之外，当然仲有“熊氏一家”的各位演员角色。其中又以熊树根（刘丹）作为家庭的灵魂人物。其实刘丹（丹爷）自无线长寿剧集《真情》就陪住香港人7，80年代人成长，丹爷的慈父形象更加是深入民心。不讲不知道，原来丹爷骨子里也是一个潮人，今日丹爷更穿了一对YEEZY出席《爱‧回家之开心速递》的活动。

看真点，其实丹爷脚上的就是潮人必买的“adidas YEEZY by Kanye West”系列中的“Yeezy Boost 350 Infant "pirate Black"”，据资料显示，网上炒价都差不多3千元港币，真系估唔到丹爷咁有品味㖞。其实Yeezy波鞋，由推出至今真的是“通街都系”，人人都想拥有一对。刘丹（丹爷）接受《香港01》访问时说：“阿囝（刘恺威）送俾我㗎，哈哈哈。（生日礼物？）佢有时送嘢俾我唔使讲咩日子㗎，佢有时好识做㗎，佢又唔讲话特登买嚟送俾你。佢会咁讲：‘老豆，对鞋我唔啱著吖，你啱唔啱著吖？’新簇簇，边会唔啱著吖呢？哈哈。（仲有咩系阿囝俾你？）揸紧架车啦，仲有好多嘢㗎。佢又成日话啲嘢唔啱著，说俾我啦。咁我唯有当佢真系唔啱著啰，哈哈哈。（佢有冇讲你知对鞋几钱？）佢唔讲㗎。”梗系啦，阿囝送㗎㖞。丹爷仲甜丝丝咁讲：“不过对鞋系几舒服就真嘅。”