【开心速递】杨嘉欣16岁入行激罕新鲜人　升呢做配角：系好大动力

无线出了名是不会捧新人，每当有新血加入公司必定要做闲角做返几年浸一浸演技先会开始俾佢升LV，当然一众港姐港男除外喇。近期出了一个江嘉敏，虽然已经22岁，不过都被网民力赞佢后生有潜力。可能无线见原来推出新人都会有啲回响，所以近期又有一个女新人会被力捧上位，她就是只有18岁的杨嘉欣(Cherry)。她1998年出生，两年前参加无线的艺员训练班入行，同班中她已经是年纪最少的一位，2016年正式开始拍剧，当然都只系一啲闲角角色，甚至连名字都没有。到刚刚播出的《爱·回家之开心速递》，终于有个角色的简介－校董个女。虽然只有两集，不过已经被一众网民看出她的潜质，而且高佻的她拥有一对长脚，的确十分引人注意。

其实很多人18岁时还在读书，究竟点解Cherry可以在两年前，即是16岁就加入训练班呢？原来她读完中五就已经暂停学业，咁咪即系DSE都未考？在接受《香港01》访问时她说：“我读国际学校唔洗考DSE架其实，因为个人比较好动，钟意试下唔同新野。有时可以做下唔同身份角色，我觉得好有趣，所以就胆粗粗试吓报名训练班，好好彩又中咗。”在现今的香港社会，读书赚钱胜过一切，放弃学业去追梦会唔会过唔到屋企人𠮶关呢？“屋企人都好支持我想做嘅嘢，由细到大都好放心我，但系都有叫我去学下其他语言进修下。咁我觉得既然都踏左入嚟呢个行业，都想做好佢，所以我都有去跟秋生同甄咏蓓老师学下戏，识多啲前辈，俾意见我。”她认为家人的支持十分重要，因为现在年纪还少，还是跟家人一起住，钱的方面并不是最大负担。有这个后盾做支持，加上年纪还少，的确是有资格去做自己想要做的事。

很多人说，演技其实就是你的人生经历，当你经历得愈多，做出来的演出便更动人。Cherry只有18岁，是有炉火纯青的演技实在有点强人所难，会唔会在拍剧的时间经常被人闹呢？她说：“无呀，可能就系我细我新，所以都会话俾我听我有啲咩做得唔好，教我睇机位。最记得有一次我拍《杂警奇兵》，我有一场戏未做到监制要求，佢都俾左意见我，教我点做，俾我几次机会点样拍得好啲。反而我都想俾人闹下，咁我先进步到。”其实Cherry好清楚自己的定位，她只是一个新人，亦知道公司一直都俾很多机会自己，所以自己亦不急于“上位”，她表示：“其实入行一两年真系一个好短嘅时间，以前对拍戏同而家真实分别又真系唔太大分别。因为我知道世界上无一个行业可以一步登天，每个人都喺度等紧属于自己嘅机会。我入行嘅时间仲短，就算依家俾个皇后我做都未必carry 到, 所以要趁自己年轻好好珍惜每一个机会。机会未到就好好装备自己，睇多啲前辈嘅戏，听多啲人哋俾你嘅意见，打好个底，相信将来一定有人欣赏。虽然依家都系做紧小角色，但我都好开心会有人留意到我，有人鼓励我，绝对都系一个好大嘅动力！”咁细个就咁识谂，机会的确是留给有准备的人。

最近开镜的《特技人》，Cherry在剧中被安排做傅嘉莉的助手，急升做配角，会否觉得自己被公司力捧呢？妹说：“我觉得公司都一直有俾好多机会我嘅。咁至于力唔力捧就唔知啦。琴日去左特技人试造型，傅嘉莉系个女明星，而我就饰演佢助， 所以佢去开工，我都会系佢身边take care佢。佢系女主角，所以我都会比平时嘅剧集出现得多，好开心有得参与呢套剧。”同江嘉敏一样都是以后生作卖点，Cherry表示每个人都有不同的地方，所以无需要刻意同人比较。有很多演员挨了几年也未必捞到一个黄金时段剧的配角角，今次一个突如其来的机会，相信Cherry明白到的确是得来不易，真的是好好珍惜啊！