【你咪理，我爱你】猪年有意追第五胎？　Bob：猪仔就唔好喇

贺岁片《你咪理，我爱你！》今日（11日）举行庆功宴，导演王祖蓝宣布票房成绩已突破800万，实是值得庆贺，有份参演电影的演员林盛斌（Bob）表示：“好感恩，睇返我同虾头场戏（戏院）现场反应几大，因为我同虾头喺床上有肉膊个感觉。虾头就好多嘢睇啦，牺牲色相，好值得凭呢套戏提名影后啊！”

Bob日前在个人IG上载全家人在日本旅行的照片，唯独自己要工作，被留下在家数手指、吃杯面，Bob就表示：“冇办法啦！老豆揾钱仔享福吖嘛，唯有努力啲，希望佢哋玩得开心。”小孩子们也没有辜负Bob期望：“完全唔记得老豆姓乜，但妈咪拍咗好多片同相，见到佢哋玩得好开心，做老豆嘅唯有努力揾钱，希望佢哋喺旅程入面学到嘢。”

农历新年期间虽然小孩们不在香港，但身为爸爸的Bob也有帮他们逗利市：“我行出去额头就写住你最少要派四封俾我，识埋我老婆要八封添，少少丰收啦！”接下来再追个猪仔，来年可以逗更多利市？“猪仔就唔好喇，睇下后面啲鼠年、牛年，迟啲啦，暂时未有呢个谂法，照顾好而家屋企先！”