【你咪理，我爱你】岑丽香同王浩信剧情超香艳：我要倒奶落佢身

王祖蓝首次执导嘅贺岁片《你咪理，我爱你！》揾嚟60多位艺人朋友客串，其中一幕讲述毒男白只与宅女王菀之幻想自己变成型男索女，二人分别化身成爆肌大晒麒麟臂嘅王浩信，同有纤腰有长腿嘅岑丽香，单系二人打扮就已经被现场气温急升，一roll机即跳起姣婆舞，王浩信边chok边骚肌，而香香亦露出纤腰长腿“回礼”，最后二人更一齐玩奶，香艳到不得了。

虽然香香与王浩信出演的只是“幻想画面”，但导演祖蓝拍摄时比其他场面更为认真，出名“一TAKE收货”的他，单是一幕“倒奶”镜头，便拍了足足超过一小时。事后问到为何对香香及王浩信特别严荷时，他笑言：“因为我觉得佢哋两个都好有魅力，为咗唔好辜负佢哋嘅气质同埋咁弗嘅身材，所以想将画面拍摄到好唯美同埋吸引。结果剪完出嚟好多人都大赞佢哋两个好鬼正，场戏好好睇、好深刻，我即刻放下咗心头大石，亦叫对得住呢两位咁帮手嘅演员。”

至于香香，则笑言为祖蓝变咗“臭臭”：“为咗营造SEXY感，导演要我哋湿身摆甫士，所以倒咗有颜色嘅奶落我同浩信度。因为啲奶系好高咁倒落嚟，射到周围都系。虽然我返到屋企已经第一时间冲凉，但就坐坐吓闻到异味，原来我啲衫同袋都畀奶溅到，啲奶过咗段时间开始发臭，咁我咪唯有成晚喺度洗洗洗咯。”