黄心颖新年预肥几磅　婚期不在猪年？

黄心颖今日（5日）出席无线电视贺年节目《富贵金猪过肥年》拍摄，对于大年初一就开工，心颖表示：“我好钟意年初一开工㗎！因为我觉得开炉系个好开始，会勤力努力啲，就一年都有嘢捞，系好兆头嚟嘅。”问到工作结束后会到哪里拜年，心颖就说：“首先要去阿姐（汪明荃）屋企拜年，每年初一个Show完咗阿姐都会请我哋去佢屋企拜年，我之前未去过，因为琴晚同咗屋企人食饭，所以完咗就去𢭃多啲利市先返屋企拜年。”会去马明屋企拜年？心颖就回应：“都会去嘅，始终都系礼貌嚟。”

说到新年有很多美食诱惑，心颖就表示自己打算放开肚皮吃：“新年嘅时候我好钟意食芋头糕，我已经早一两个礼拜做好多运动，为咗有Quota去食，亦都觉得其实肥咗冇关系啦，之后再减啫，新年一年一次梗系食咗先啦！”心颖又已经做好心理准备：“一定会食肥几磅，预咗嘅。因为我年初四已经要开工，尽量忍口啦，不过应该都唔得㗎喇，算啦，仲著近冬天衫拍应该ok嘅。”实行美食当前，食咗先算！

黄心颖又分享自己前几天为屋企大扫除和洗车，发现了不少具回忆的物件：“原来我以前储埋好多戏飞、巴士飞、单（购物收据），仲揾到啲好旧嘅相，即系要揾好耐先揾到自己𠮶啲。即唔系话个样变咗好多，我已经唔记得自己出席过呢啲活动，尤其是系𠮶阵做港姐未卸任嘅时候，出席好多公司嘅慈善活动，睇返我哋2012年𠮶届港姐啲样变咗好多，其实好开心，有啲又嫁咗人，有啲又生咗小朋友，就好似一个回忆录。”自己都有结婚打算？心颖说：“好多人问嘅，应该唔会系猪年发生嘅事啦，再储吓钱、做吓嘢先。”