【你咪理，我爱你！】王祖蓝勤力谢票　系仿效咪咪姐出呢一招？

王祖蓝昨日（5日）出席无线电视贺年节目《富贵金猪过肥年》拍摄，对于初一就要开工，祖蓝说最不舍得的是女儿：“其实今日出门口之前都非常唔舍得个女，其实都唔系好想开工，但冇办法，贺岁片上要出嚟宣传、谢票，新年期间要去唔同戏院谢票。佢（女儿）今日眼睛碌到好大、又好醒、又心情好好，难得可以同佢玩，但玩到咁上下嘅时候就要分别。”

说到王祖蓝第一次执导的贺岁歌舞片《你咪理，我爱你！》成绩不俗，他眉飞色舞地说：“好开心有啲观众睇得好兴奋，好钟意，话未见过香港有部咁特别嘅戏，我觉得要回馈下观众，呢段时间竞争好大，咁多部片上，所以我都想亲身去做下宣传，感谢下咁多部片里面仍然拣我哋嘅观众。”祖蓝又表示新年撞正宣传期其实也不错：“入戏院嘅时候我觉得今年有个好处，除咗票房之外，𢭃利是同票房个价钱系差唔多嘅，出去谢票嘅时候顺便，我唔介意帮囡囡收利是。”好多观众派利是畀囡囡？“会㗎！呢招我跟朱咪咪学嘅，逢系新年去登台带定个袋出嚟，新年嘅时候梗系要咁样做啦！”

谈到女儿，祖蓝脸上就洋溢着幸福的笑容，他就说情人节要好好慰劳一下十月怀胎的老婆李亚男：“情人节就会同亚男二人世界去旅行。老婆都戒口戒咗一年，就去返啲食刺身嘅地方。我发现好多孕妇坐完月拣去旅行嘅地方，都会系可以食生冷嘢嘅地方，因为怀孕同坐月期间都唔食得生冷嘢，所以一出关就想食返。”